Osy sektordaǵy eń úlken ósim baıqalǵan bestiktiń kóshin Atyraý oblysy bastap tur. Onda baǵa birden 60,4 paıyzǵa ósken. Túrkistan oblysynda - 28,2 paıyzǵa, Qaraǵandy oblysynda - 21,9 paıyzǵa, ShQO-da - 19,9 paıyzǵa, Pavlodarda - 19 paıyzǵa qymbattaǵan. Eń tómengi ósim - 5,3 paıyz Almaty oblysynda tirkelgen.
Mektepke deıingi jáne bastaýysh bilim berý túrleriniń qyzmetteri - 11,1 paıyzǵa, orta bilim – 9,6 paıyzǵa, kásiptik orta bilim – 20,2 paıyzǵa, eresekterge arnalǵan bilim – 15,9 paıyzǵa qymbattady.
О́tken jylmen salystyrǵanda 2022 jyldyń úshinshi toqsanynda bilim berý salasyndaǵy qyzmet kólemi 949,8 mlrd teńgege ıaǵnı 17,4 paıyzǵa ósken. Bilim berý salasyndaǵy qyzmetterdiń basym bóligi bıýdjet esebinen kórsetilgen (836, 6 mlrd teńge). Halyq esebinen 90,4 mlrd teńgeni qurasa, kásiporyndar esebinen 22,9 mlrd teńgeni quraǵan. Bilim berý túrleri boıynsha qyzmetterdiń eń kóp kólemi bazalyq jáne jalpy orta bilimge tıesili (444,9 mlrd teńge jáne jylyna 12,5 paıyz). Mektepke deıingi bilim berý jáne kásiptik daıarlyq salasyndaǵy qyzmetter kólemi 158,7 mlrd teńgege, joǵary bilim berý salasynda 110,2 mlrd teńgege jetken.
О́ńirlik bóliniste qyzmetterdiń eń kóp kólemi Almatyda baıqalǵan (113,1 mlrd teńge), ótken jylǵa qaraǵanda 16,6 paıyzǵa kóp. Sondaı-aq Astana (98,8 mlrd teńge, jylyna 61,3 paıyz) men Túrkistan oblysy da (98,7 mlrd teńge, 29,1 paıyz) úshtikke kirdi.
Sektordaǵy qyzmetterdiń eń az kórsetkishi Ulytaý, Abaı jáne Soltústik Qazaqstan oblystaryna tıesili.
Aıtolǵan JÚNISHAN,
L.N.Gýmılev atyndaǵy EUÝ stýdenti
