Saltanatty rásimge Almaty ákiminiń orynbasary Arman Qyryqbaev, músinshi Nurlan Dalbaı, alpınızmnen Qazaqstan quramasynyń bas jattyqtyrýshysy, tálimger jáne Býkreevtiń dosy Ervand Ilınskıı, jýrnalıst jáne aty ańyzǵa aınalǵan alpınıstiń kúndelikterine negizdelgen Býkreev týraly «Nad oblakamı» kitabynyń avtory Galına Mýlenkova qatysty.
Músinniń avtory – Nurlan Dalbaı. Ol sportshyny quzǵa shyǵar aldynda sál demalyp turǵan keıpinde beınelegen. Músin Nurlan Smaǵulov qorynyń bastamasymen jáne qoldaýymen ornatyldy.
Anatolıı Býkreev - aty ańyzǵa aınalǵan qazaqstandyq alpınıst, eńbek sińirgen sport sheberi.
Ol absolıýttik bıiktigi 7000 metrden asatyn shyńdarǵa 30 ret, 8000 metrden asatyn shyńdarǵa 18 ret, Jer sharyndaǵy eń bıik 14 shyńnyń 11-ine, onyń ishinde 8848 metrlik Djomolýngma shyńynyń ózine 4 ret shyqqan.
Anatolıı Býkreev 1997 jyly Nepaldaǵy Annapýrnaǵa kóterilý kezinde qaıtys boldy, ol 39 jasta edi.
1999 jyldan bastap Anatolıı Býkreevti eske alýǵa arnalǵan Amangeldi shyńyna júgirýler ótkizilip keledi.
Aıta ketý kerek, bul Nurlan Smaǵulov qory qala turǵyndaryna beretin úshinshi músin. Mesenattyń oıynsha, qalada kórnekti almatylyqtardyń músinder serııasy paıda bolýy tıis.
