Atalǵan servıs memleket menshigine qaıtarylǵan jer ýchaskelerine monıtorıng júrgizýge, onyń qaıda ornalasqanyn, kontýryn anyqtaýǵa, sondaı-aq aýdany men menshik ıesi nemese jer paıdalanýshysy týraly málimetter alýǵa múmkindik beredi.
Interaktıvti kartany Aýyl sharýashylyǵy mınıstrligi men Sıfrlyq damý, ınnovasııalar jáne aeroǵarysh ónerkásibi mınıstrligi ázirledi.
Prezıdent Qasym-Jomart Toqaevtyń tapsyrmasyna sáıkes, elimizde paıdalanylmaı jatqan jáne zańsyz bólingen aýyl sharýashylyǵy maqsatyndaǵy jerlerdi memleket menshigine qaıtarý jumysy júrgizilip jatyr.
Osy jumystyń júıeli iske asyrylýyna qoǵamdyq baqylaý júrgizý maqsatynda «AMANAT» partııasy janynan respýblıkalyq jáne óńirlik «Jer amanaty» komıssııalary quryldy.
Búginde paıdalanylmaı jatqan 5,2 mln gektar jer memleket menshigine qaıtaryldy. Onyń 3 mln gektardan astamy «Jer amanaty» komıssııasynyń aralasýymen qaıtaryldy.
О́tken jyldyń jeltoqsan aıynda partııalyqtar árbir aýyldyq eldi mekendegi jaıylym tapshylyǵyn jáne memleket menshigine qaıtarylǵan jer ýchaskeleriniń tizbesin kórsetetin ınteraktıvti karta ázirleýdi usyndy.
Komıssııanyń «jedel jelisine» turǵyndar tarapynan 2,5 myńnan astam ótinish kelip tústi. Onyń barlyǵy jergilikti ákimdiktermen jáne beıindi mınıstrlikpen birlesip muqııat qaraldy.
