Ranking zertteýinde kórsetilgendeı, sońǵy bes jylda Qazaqstandaǵy ınvestısııalyq pıramıdalar boıynsha qylmystyq isterdiń statıstıkasy ósken. 2019 jyly qarjy pıramıdalaryn jasaýshylarǵa qatysty qozǵalǵan qylmystyq isterdiń sany salystyrmaly túrde az bolǵan, al pandemııanyń birinshi jylynda ol birden jeti ese, ıaǵnı 24-ten 180-ge deıin ósti. 2020 jyly kelgen shyǵyn kólemi úsh esege, ıaǵnı 1,59 mlrd teńgeden 6,17 mlrd teńgege deıin ósti. Daǵdarys kezinde halyq devalvasııa men ınflıasııaǵa urynyp qalmaýy úshin qarajattaryn ınvestısııalaý múmkindigin izdedi.
2021 jyly qarjylyq qylmystardyń sany birshama azaıdy (6,1% tómendedi), biraq keltirilgen zııan birneshe ese, ıaǵnı 33,34 mlrd teńgege deıin ósti.
2022 jyly mundaı sıpattaǵy qylmystar birshama azaıdy - qańtar-qarasha aılarynda 127 is tirkeldi. 2021 jyldyń sáıkes kezeńimen salystyrǵanda quqyq buzýshylyqtar 24,8%-ǵa azaıǵan. Tıisinshe, zardap shekkender sany 1,2 myńnan 625 adamǵa deıin azaıdy.
