Serebrıansk qalasynda beıorganıkalyq óndiris zaýyty bar. Tynys alý joldaryn qorǵaýǵa arnalǵan óndiristik fıltr men turmystyq túrli plastmassa ónimderin shyǵarady. Osy salaǵa baǵyttalǵan elimizdegi birden-bir zaýyt. Solaı bolsa-daǵy qazirgi hali múshkil. Bankrotqa deıingi aınalymynda 1 mıllıard teńge bolsa, búgingi qorjyny 20 mıllıon teńgeden áreń asady.
Shań men hımııalyq qaldyqtarǵa qarsy respıratorlar men túrli fıltrler, turmystyq ónimder óndiretin kásiporyn bir kezderi strategııalyq mańyzy joǵary jabyq zaýyt bolyp dúrildegeni bar. Búginde alyp ǵımarattyń biraz bóligi bos tur. Dese de oblys ákimdiginiń qoldaýymen kásiporyndaǵy eki sehta 100-den astam adam jumyspen qamtylyp, qyzmetin toqtatpaı keledi. №1 seh jetekshisi Aleksandr Samoılevtiń aıtýynsha, sehta jyl saıyn 20 mıllıon dana respırator óndirýge múmkindik bar. «Qazaqmys», «Qazsınk», «ÚMZ», «Arselor Mıttal», «Qazaqstan alıýmınıı zaýyty» sııaqty iri kásiporyndardan turaqty túrde tapsyrys alyp kelgen zaýyttyń tolyq qýatynda jumys isteýi úshin Úkimet tarapynan tegeýrindi kómek qajet. Bas ınjener Valerıı Naýmev zaýyt ujymynyń bankrottyq túıtkilder máselesiniń tezirek sheshimin taýyp, kásiporynǵa isker basshylyqtyń kelýin qalap otyrǵanyn aıtady.
Shyǵys Qazaqstan oblysyna jumys saparymen kelgen О́ńirlik damý mınıstri Bolat Jámishev osy zaýyttyń hal-ahýalymen tanysty. О́ńir basshysy Berdibek Saparbaev mınıstr nazaryn zaýyttyń kommersııalyq kompanııalarmen birge memlekettik tapsyrysqa da jumys isteýi qajettigine aýdardy. Búginde nysannyń «Qazaqstan Injırıng» kompanııasynyń qaraýyna ótý úderisi júrýde.
– Negizgi másele bıýrokratııalyq kedergiler bolyp otyr. Sondaı-aq, Kókshetaýda týra osyndaı zaýyt salý usynylýda. Eger daıyn kásiporyn bolyp, ony qarjylandyrý máselesi ǵana sheshimin kútip tursa, jańa zaýyt salýdyń qajeti qansha? – dedi óńir basshysy.
B.Jámishev Úkimet qabyrǵasynda bankrottyq jónindegi qaýlyny jyljytýǵa qol ushyn sozatynyn, serebrıanskilik zaýyttyń aǵymdaǵy máselesi sheshiletinin jetkizdi. О́ńirdegi monoqalalardyń máselesimen tanysýǵa kelgen mınıstrge Serebrıansk ákimi Sergeı Gordıenko jylý júıesimen qamtamasyz etýge bıyl 520 mıllıon teńge bólingenin, osy arqyly qalanyń 60 paıyzynda jylý jelisi júrgiziletinin jetkizdi. Al bos qalǵan úıler sany – beseý. Onyń ekeýi buzylyp, úsheýi kommýnaldyq menshikke berilmek. О́ńirlik damý mınıstri mundaı sanattaǵy úılerdi paıdalanýǵa bergen kezde másele týyndamaý úshin aldyn ala zańnamalyq turǵydan jiti saralaý jumystary júrgizilýi kerektigin aıtty.
Bolat Jámishev budan keıin Zyrıan qalasyndaǵy aýdandyq qazandyq jumysymen tanysty. «Ortalyq jylý» MM dırektory Nıkolaı Rylskııdiń aıtýynsha, jylý berý mekemesiniń energııaǵa jumsaıtyn shyǵyny tym kóp. Elektr qýatynyń qymbattaýymen birge qaryz da óse túsken. О́tken jyly 70 mıllıon teńgeden astam bereshek bolǵan mekeme basshysy tyǵyryqtan shyǵýdyń jolyn jetkizdi. Osydan úsh jyl buryn jobalanǵan týrbogenerator ornatylsa, 6 MVt-ǵa deıin arzan energııa óndirýge bolady. Al kásiporynnyń qajettiligi – 3 MVt. Sońǵy eki jylda jobany júzege asyrýǵa 1,4 mıllıard teńge bólingen. Jobany aıaqtaýǵa taǵy 1 mıllıardqa jýyq qarjy qajet. Qazirgi kezde jobalyq-smetalyq qujattar memlekettik saraptamadan ótýde.
Sonymen birge, Zyrıan qalasynda monoqalalardy damytý baǵdarlamasy negizinde jylý jelileri jóndeýden ótkizilýde. Qalada búginge deıin 9 shaqyrym jylý trassasy salynyp, Kaıýpov kóshesinde turǵyn úı-kommýnaldyq sharýashylyǵyn jańǵyrtý baǵdarlamasy arqyly eki qabatty úılerdiń shatyryn aýystyrý jumystary bastalǵan eken. Aýdan ákimi Ermek Sálimov qazirgi kezde úıleriniń qasbetin jańǵyrtýǵa nıet bildirýshilerdiń kóptigin aıtty. Olardan barlyǵy 21 ótinish túsken. Alaıda, ázirge on úıge ǵana qarjy bólindi. Baǵdarlamaǵa qatysýshylar qaryzdyń 30 paıyzyn qaıtaryp, jospardy ýaqytynan buryn oryndap keledi.
О́ńirlik damý mınıstri jumys sapary aıasynda О́skemendegi turǵyn úı qurylysy barysymen tanysty. Oblys ortalyǵyndaǵy 19 shaǵyn aýdanda salynyp jatqan turǵyn úıler zamanaýı tehnologııalyq talaptarǵa sáıkes turǵyzylýda. Byltyr 291 myń sharshy metr turǵyn úı salynsa, bıyl 301 myń sharshy metr baspana berý josparlanyp otyr. Qalanyń ońtústik-batysyndaǵy jańa aýdanda qosymsha kólik magıstrali salynyp, qalamen jalǵaıtyn bolady. Bul Sátbaev dańǵylyndaǵy kólik qysymyn azaıtýǵa septigin tıgizedi. Búginde shaǵyn aýdanda ınjenerlik jeliler tartylyp, 11 turǵyn úı turǵyzylǵan, taǵy 27 nysan salynýda. Onyń ishinde 15 úı bıyl berilmek. Atalǵan aýmaqta ornalasqan mektep pen qan ortalyǵy da aǵymdaǵy jyly paıdalanýǵa beriledi.
О́ńir basshysy turǵyn úı qurylysyn keńeıtýge barlyq baǵdarlamalardyń múmkindigi paıdalanylǵanyn jetkizdi. Nátıjesinde, Kúlenov shaǵyn aýdanynda kópqabatty 23 úı, monoqalalardy damytý boıynsha Zyrıan, Rıdder, Kýrchatov, Serebrıansk qalalarynda jáne «Jumyspen qamtýdyń jol kartasy-2020» baǵdarlamasy boıynsha barlyq aýdan ortalyqtarynda turǵyn úı qurylysy qyzý júrgizilip, aldy paıdalanýǵa berilgen. Qurylys Semeı qalasynda da qarqyn alýda.
Budan keıin ótken oblystyń áleýmettik-ekonomıkalyq damý máseleleri jónindegi jıynda mınıstr Semeı qalasyn jylý jáne sýmen qamtamasyz etýdi jańǵyrtý, monoqalalardaǵy shaǵyn jáne orta kásipkerlikti damytý baǵdarlamalary qolǵa alynatynyn atap ótti.
Dýman ANASh,
«Egemen Qazaqstan».
Shyǵys Qazaqstan oblysy,
Zyrıan aýdany.
Sýretti túsirgen
Sergeı SÝROV.
Shań men hımııalyq qaldyqtarǵa qarsy respıratorlar men túrli fıltrler, turmystyq ónimder óndiretin kásiporyn bir kezderi strategııalyq mańyzy joǵary jabyq zaýyt bolyp dúrildegeni bar. Búginde alyp ǵımarattyń biraz bóligi bos tur. Dese de oblys ákimdiginiń qoldaýymen kásiporyndaǵy eki sehta 100-den astam adam jumyspen qamtylyp, qyzmetin toqtatpaı keledi. №1 seh jetekshisi Aleksandr Samoılevtiń aıtýynsha, sehta jyl saıyn 20 mıllıon dana respırator óndirýge múmkindik bar. «Qazaqmys», «Qazsınk», «ÚMZ», «Arselor Mıttal», «Qazaqstan alıýmınıı zaýyty» sııaqty iri kásiporyndardan turaqty túrde tapsyrys alyp kelgen zaýyttyń tolyq qýatynda jumys isteýi úshin Úkimet tarapynan tegeýrindi kómek qajet. Bas ınjener Valerıı Naýmev zaýyt ujymynyń bankrottyq túıtkilder máselesiniń tezirek sheshimin taýyp, kásiporynǵa isker basshylyqtyń kelýin qalap otyrǵanyn aıtady.
Shyǵys Qazaqstan oblysyna jumys saparymen kelgen О́ńirlik damý mınıstri Bolat Jámishev osy zaýyttyń hal-ahýalymen tanysty. О́ńir basshysy Berdibek Saparbaev mınıstr nazaryn zaýyttyń kommersııalyq kompanııalarmen birge memlekettik tapsyrysqa da jumys isteýi qajettigine aýdardy. Búginde nysannyń «Qazaqstan Injırıng» kompanııasynyń qaraýyna ótý úderisi júrýde.
– Negizgi másele bıýrokratııalyq kedergiler bolyp otyr. Sondaı-aq, Kókshetaýda týra osyndaı zaýyt salý usynylýda. Eger daıyn kásiporyn bolyp, ony qarjylandyrý máselesi ǵana sheshimin kútip tursa, jańa zaýyt salýdyń qajeti qansha? – dedi óńir basshysy.
B.Jámishev Úkimet qabyrǵasynda bankrottyq jónindegi qaýlyny jyljytýǵa qol ushyn sozatynyn, serebrıanskilik zaýyttyń aǵymdaǵy máselesi sheshiletinin jetkizdi. О́ńirdegi monoqalalardyń máselesimen tanysýǵa kelgen mınıstrge Serebrıansk ákimi Sergeı Gordıenko jylý júıesimen qamtamasyz etýge bıyl 520 mıllıon teńge bólingenin, osy arqyly qalanyń 60 paıyzynda jylý jelisi júrgiziletinin jetkizdi. Al bos qalǵan úıler sany – beseý. Onyń ekeýi buzylyp, úsheýi kommýnaldyq menshikke berilmek. О́ńirlik damý mınıstri mundaı sanattaǵy úılerdi paıdalanýǵa bergen kezde másele týyndamaý úshin aldyn ala zańnamalyq turǵydan jiti saralaý jumystary júrgizilýi kerektigin aıtty.
Bolat Jámishev budan keıin Zyrıan qalasyndaǵy aýdandyq qazandyq jumysymen tanysty. «Ortalyq jylý» MM dırektory Nıkolaı Rylskııdiń aıtýynsha, jylý berý mekemesiniń energııaǵa jumsaıtyn shyǵyny tym kóp. Elektr qýatynyń qymbattaýymen birge qaryz da óse túsken. О́tken jyly 70 mıllıon teńgeden astam bereshek bolǵan mekeme basshysy tyǵyryqtan shyǵýdyń jolyn jetkizdi. Osydan úsh jyl buryn jobalanǵan týrbogenerator ornatylsa, 6 MVt-ǵa deıin arzan energııa óndirýge bolady. Al kásiporynnyń qajettiligi – 3 MVt. Sońǵy eki jylda jobany júzege asyrýǵa 1,4 mıllıard teńge bólingen. Jobany aıaqtaýǵa taǵy 1 mıllıardqa jýyq qarjy qajet. Qazirgi kezde jobalyq-smetalyq qujattar memlekettik saraptamadan ótýde.
Sonymen birge, Zyrıan qalasynda monoqalalardy damytý baǵdarlamasy negizinde jylý jelileri jóndeýden ótkizilýde. Qalada búginge deıin 9 shaqyrym jylý trassasy salynyp, Kaıýpov kóshesinde turǵyn úı-kommýnaldyq sharýashylyǵyn jańǵyrtý baǵdarlamasy arqyly eki qabatty úılerdiń shatyryn aýystyrý jumystary bastalǵan eken. Aýdan ákimi Ermek Sálimov qazirgi kezde úıleriniń qasbetin jańǵyrtýǵa nıet bildirýshilerdiń kóptigin aıtty. Olardan barlyǵy 21 ótinish túsken. Alaıda, ázirge on úıge ǵana qarjy bólindi. Baǵdarlamaǵa qatysýshylar qaryzdyń 30 paıyzyn qaıtaryp, jospardy ýaqytynan buryn oryndap keledi.
О́ńirlik damý mınıstri jumys sapary aıasynda О́skemendegi turǵyn úı qurylysy barysymen tanysty. Oblys ortalyǵyndaǵy 19 shaǵyn aýdanda salynyp jatqan turǵyn úıler zamanaýı tehnologııalyq talaptarǵa sáıkes turǵyzylýda. Byltyr 291 myń sharshy metr turǵyn úı salynsa, bıyl 301 myń sharshy metr baspana berý josparlanyp otyr. Qalanyń ońtústik-batysyndaǵy jańa aýdanda qosymsha kólik magıstrali salynyp, qalamen jalǵaıtyn bolady. Bul Sátbaev dańǵylyndaǵy kólik qysymyn azaıtýǵa septigin tıgizedi. Búginde shaǵyn aýdanda ınjenerlik jeliler tartylyp, 11 turǵyn úı turǵyzylǵan, taǵy 27 nysan salynýda. Onyń ishinde 15 úı bıyl berilmek. Atalǵan aýmaqta ornalasqan mektep pen qan ortalyǵy da aǵymdaǵy jyly paıdalanýǵa beriledi.
О́ńir basshysy turǵyn úı qurylysyn keńeıtýge barlyq baǵdarlamalardyń múmkindigi paıdalanylǵanyn jetkizdi. Nátıjesinde, Kúlenov shaǵyn aýdanynda kópqabatty 23 úı, monoqalalardy damytý boıynsha Zyrıan, Rıdder, Kýrchatov, Serebrıansk qalalarynda jáne «Jumyspen qamtýdyń jol kartasy-2020» baǵdarlamasy boıynsha barlyq aýdan ortalyqtarynda turǵyn úı qurylysy qyzý júrgizilip, aldy paıdalanýǵa berilgen. Qurylys Semeı qalasynda da qarqyn alýda.
Budan keıin ótken oblystyń áleýmettik-ekonomıkalyq damý máseleleri jónindegi jıynda mınıstr Semeı qalasyn jylý jáne sýmen qamtamasyz etýdi jańǵyrtý, monoqalalardaǵy shaǵyn jáne orta kásipkerlikti damytý baǵdarlamalary qolǵa alynatynyn atap ótti.
Dýman ANASh,
«Egemen Qazaqstan».
Shyǵys Qazaqstan oblysy,
Zyrıan aýdany.
Sýretti túsirgen
Sergeı SÝROV.
