Kardıohırýrg 2022 jyly josparlanǵan ota nege búgin jasalǵanyn túsindirdi.
«Tuńǵysh Prezıdenttiń jumys kestesine baılanysty otany oǵan yńǵaıly bolǵan kezde ótkizýdi sheshtik. Ota búgin jasaldy. Ár adam ózine qatysty jeke aqparatty jarııalamaýǵa quqyly. Biraq ol Qazaqstannyń Tuńǵysh Prezıdenti bolǵandyqtan biz jýrnalısterdiń suraqtaryna jaýap bere alamyz», dedi Iýrıı Pıa.
Ol operasııa sátti ótkenin habarlady.
«Búginde elimizdiń medısınasyna degen senim ósip keledi. Men ár naýqasqa eń jaqyn adam retinde qaraımyn. Aýrýhana tabaldyryǵyn attaǵan kez kelgen adamnyń densaýlyǵy úshin únemi ýaıymdaımyn», dep qosty Iýrıı Pıa.
Onyń aıtýynsha, qazir Nursultan Nazarbaevtyń jaǵdaıy jaqsy.
«Jaqyn arada ol aýrýhanadan shyǵarylady. Ota shamamen 2,5 saǵatqa sozyldy», dep atap ótti hırýrg.
