«Qaırat» pen «Pahtakor» arasyndaǵy básekeler árkez óte shıelenisti ári qyzyqty ótetin. Stadıondarda ıne shanshar oryn bolmaıtyn. Tipten bul derbıge saıası mán beriletin. О́ıtkeni qazaqtar kimge ese jiberse de, ózbekterden utylýdy qup kórmeıtin. О́zderine namys sanaıtyn. Kórshilerimizdiń de ustanǵan qaǵıdattary dál sondaı edi. Sol sebepti de bul matchtardy tamashalaý úshin atalǵan respýblıkalardyń birinshi basshylarynan bastap, basqa da joǵary laýazym ıeleri barlyq sharýasyn ysyryp qoıyp, stadıonǵa arnaıy at basyn buratyn. О́z jerlesteri jeńiske jetken jaǵdaıda komanda músheleri ádettegiden áldeqaıda mol syıaqy alyp, kópshiliktiń zor qoshemetine bólenetin. Jeńilis tapsa, san myń jankúıer fýtbolshylardy jerden alyp, jerge salatyn. Al basshylar olarǵa qyryn qaraı bastaıtyn.
Vıkıpedııa ınternet-ensıklopedııasy taratqan málimetterge zer salsaq, Qazaqstan men О́zbekstannyń bas komandalary KSRO chempıonaty men KSRO kýbogi jolyndaǵy jarystarda ózara 50 márte kúsh synasqan eken. 21 ret «Qaırat» jeńiske jetse, 18 ret «Pahtakordyń» asyǵy alshysynan tústi. 11 básekede teń esep tirkeldi. Jerlesterimiz 66 gol soqsa, qarsylastar 61 ret nysanany dál kózdedi. 1956 jyldyń 13 qyrkúıeginde almatylyqtar tashkenttikterdiń qaqpasyna jaýapsyz tórt gol soqsa, 1984 jyldyń 29 qyrkúıeginde 6:2 esebimen oısyrata utty. О́zbekter de qarap qalǵan joq. 1957, 1973 jáne1974 jyldary jyly olar bizden 4:1 esebimen basym tústi. Bular – osy klýbtardyń arasynda ótken básekelerde tirkelgen eń iri esepter. Baıyptap qarasańyzdar, basymdyq – sál bolsa da «Qaırat» jaǵynda.
1962 jáne 1982 jyldary KSRO chempıonatynda «Pahtakor» altynshy oryndy ıelendi. Bul – ózbekstandyq komandanyń atalǵan jarystaǵy eń úzdik nátıjesi. 1968 jyly olar KSRO kýboginiń fınalynda oınady. Sheshýshi tusta tashkenttik ujym Máskeýdiń «Torpedosynan» 0:1 esebimen utyldy.
«Qaırat» odaq chempıonatyndaǵy eń úzdik kórsetkishine 1986 jyly qol jetkizdi. Sol maýsymdy olar jetinshi orynmen qorytyndylady. 1963 jyly KSRO kýboginiń jartylaı fınalynda óner kórsetti. Bul jaǵynan «Pahtakordyń» kóshi ilgeri. Desek te 1971 jyly almatylyqtar Halyqaralyq temirjolshylar odaǵy men 1988 jyly KSRO fýtbol federasııasy kýbogi jolyndaǵy jarystarda bas júldeni oljalaǵanyn esten shyǵarmaǵanymyz abzal. Al «Pahtakor» bolsa, ondaı tabysymen maqtana almaıdy.
О́tken ǵasyrdyń toqsanynshy jyldarynyń basynda táýelsizdik alǵannan keıin atalǵan komandalardyń joldary ekige aıyryldy. Bul kúnderi árkim ózderiniń ishki jarystarynda óner kórsetýde. 1992-2022 jyldar aralyǵynda «Pahtakordyń» О́zbekstan chempıonatynda qol jetkizgen kórsetkishi mynadaı: 15 altyn, 6 kúmis jáne 2 qola. El kýbogin olar 13 ret utty. «Qaırattyń» Qazaqstan chempıonatyndaǵy nátıjesi: 3 altyn, 5 kúmis jáne 6 qola. Kýboktyq saıysta almatylyqtar 10 márte bas júldeni oljalady.
