Qazaqstan Respýblıkasynyń Zańy №207-V QRZ

«Innovasııalyq tehnologııalar parki» ınnovasııalyq klasteri týraly

Osy Zań «Innovasııalyq tehnologııalar parki» ınnovasııalyq klasteriniń quqyqtyq mártebesin jáne «Innovasııalyq tehnologııalar parki» arnaıy ekonomıkalyq aımaǵyn basqarý erekshelikterin aıqyndaıdy. 1-taraý. JALPY EREJELER 1-bap. Osy Zańda paıdalanylatyn negizgi uǵymdar Osy Zańda mynadaı negizgi uǵymdar paıdalanylady: 1) derbes klasterlik qor (budan ári – Qor) – «Innovasııalyq tehnologııalar parki» arnaıy ekonomıkalyq aımaǵynyń basqarý organy bolyp tabylatyn, sondaı-aq Qazaqstan Respýblıkasynyń zańnamasynda kózdelgen ózge de fýnksııalardy oryndaıtyn kommersııalyq emes uıym; 2) «Innovasııalyq tehnologııalar parki» arnaıy ekonomı­kalyq aımaǵy – Qazaqstan Respýblıkasynyń arnaıy ekonomıkalyq aımaqtar týraly zańnamasyna sáıkes qurylǵan, aqparattyq jáne ınnovasııalyq tehnologııalar salasyndaǵy arnaıy ekonomıkalyq aımaq; 3) «Innovasııalyq tehnologııalar parki» ınnovasııalyq klasteri (budan ári – ınnovasııalyq klaster) – ózara is-qımyl jasaý jáne qolda bar múmkindikterdi birlesip paıdalaný, bilim jáne tájirıbe almasý, zertteýler júrgizý, tehnologııalardy tıimdi berý, ornyqty áriptestik baılanystardy jolǵa qoıý jáne aqparat taratý arqyly ındýstrııalyq-ınnovasııalyq qyzmetti yntalandyrýǵa arnalǵan ınnovasııalyq klaster qatysýshylarynyń birlestigi; 4) «Innovasııalyq tehnologııalar parki» ınnovasııalyq klasteri qatysýshysynyń jobasy (budan ári – qatysýshynyń jobasy) – jańa nemese jetildirilgen óndiristerdi, tehnologııalardy, taýarlardy, jumystar men kórsetiletin qyzmetterdi jasaýǵa baǵyttalǵan, belgili bir ýaqyt merzimi ishinde iske asyrylatyn is-sharalar kesheni. 2-bap. Qazaqstan Respýblıkasynyń ınnovasııalyq klaster týraly zańnamasy 1. Qazaqstan Respýblıkasynyń ınnovasııalyq klas­ter týraly zańnamasy Qazaqstan Respýblıkasynyń Konstıtýsııasyna negizdeledi, osy Zańnan jáne Qazaqstan Respýblıkasynyń ózge de normatıvtik quqyqtyq aktilerinen turady. 2. Qazaqstan Respýblıkasynyń ındýstrııalyq-ınnova­sııa­lyq qyzmetti memlekettik qoldaý týraly, arnaıy ekono­mıkalyq aımaqtar týraly zańnamasy ınnovasııalyq klasterge jáne Qorǵa osy Zańmen rettelmegen bóliginde qoldanylady. 3. Eger Qazaqstan Respýblıkasy ratıfıkasııalaǵan halyq­aralyq shartta osy Zańdaǵydan ózgeshe qaǵıdalar belgi­lense, onda halyqaralyq sharttyń qaǵıdalary qoldanylady. 3-bap. Innovasııalyq klaster qurýdyń jáne onyń jumys isteýiniń maqsaty Innovasııalyq klaster jańa tehnologııalardy jedeldetip damytý, zertteýler júrgizýdiń, jańa tehnologııalar ázirleýdiń uıymdyq, ekonomıkalyq jáne áleýmettik jaǵdaılaryn odan ári jetildirý, olardy kommersııalandyrýǵa járdem kórsetý maqsatynda qurylady jáne jumys isteıdi. 4-bap. Innovasııalyq klaster qyzmetiniń qaǵı­dattary Innovasııalyq klaster qyzmeti: 1) ǵylymnyń, bilimniń jáne óndiristiń yqpaldastyǵy; 2) ulttyq ekonomıkanyń básekege qabilettiligin arttyrýǵa baǵyttalǵan qatysýshylardyń jobalaryn qarjylandyrýdyń basymdyǵy; 3) ınnovasııalyq klaster qatysýshylarynyń qyz­metin qoldaýdyń ekonomıkalyq tıimdiligi men nátıjeliligi; 4) irgeli jáne qoldanbaly zertteýlerdiń basym baǵyttaryn damytý; 5) Qor qarjylandyratyn qatysýshylardyń jobalary saraptamasynyń obektıvtiligi men táýelsizdigi; 6) halyqaralyq yntymaqtastyqty damytý; 7) ekonomıkanyń basym sektorlarynda tehnologııalardy kommersııalandyrýdy yntalandyrý qaǵıdattaryna negizdeledi. 2-taraý. INNOVASIIаLYQ KLASTERDIŃ QUQYQTYQ MÁRTEBESI 5-bap. Innovasııalyq klasterdi basqarý 1. Innovasııalyq klasterdi damytý jáne onyń jumys isteýin qamtamasyz etý maqsatynda ınnovasııalyq klasterdi basqarýdy Innovasııalyq klasterdiń qamqorshylyq keńesi júzege asyrady, ol Qazaqstan Respýblıkasy Prezıdentiniń sheshimi boıynsha qurylady. 2. Innovasııalyq klaster qamqorshylyq keńesiniń erejesin jáne quramyn Qazaqstan Respýblıkasynyń Prezıdenti bekitedi. 3. Qazaqstan Respýblıkasynyń Prezıdenti Innovasııalyq klaster qamqorshylyq keńesiniń Tóraǵasy bolyp tabylady. 6-bap. Innovasııalyq klasterdiń qamqorshylyq keńesi Innovasııalyq klasterdiń qamqorshylyq keńesiniń fýnksııalaryna: 1) ınnovasııalyq klasterdi damytýdyń strategııalyq mindetterin aıqyndaý; 2) kásipkerlerdi, kásipkerler qaýymdastyqtaryn (odaqtaryn) shoǵyrlandyrý; 3) ınnovasııalyq klaster qatysýshylarynyń sheteldik áriptestermen yntymaqtastyǵyn damytý jónindegi usynys­tardy tujyrymdaý; 4) qatysýshylardyń jobalaryn iske asyrý úshin áleýetti ınvestorlardy izdestirý; 5) qarjylandyrylýy júrgizilgen saraptama qorytyndy­lary boıynsha Qor múlki esebinen júzege asyrylatyn qatysýshylardyń jobalaryn aıqyndaý; 6) osy Zańda jáne Innovasııalyq klasterdiń qamqorshylyq keńesi týraly erejede kózdelgen ózge de fýnksııalar jatady. 7-bap. Innovasııalyq klasterdiń qatysýshylary 1. Innovasııalyq klasterdiń qatysýshylary óz qyzmetin Innovasııalyq klasterdiń qamqorshylyq keńesi aıqyndaǵan strategııalyq mindetterge qol jetkizý úshin júzege asyrady. 2. Mynalar: 1) arnaıy ekonomıkalyq aımaq qatysýshylarynyń biryńǵaı tizilimine engizilgen «Innovasııalyq tehnologııalar parki» arnaıy ekonomıkalyq aımaǵynyń qatysýshylary, onyń ishinde Qazaqstan Respýblıkasynyń arnaıy ekonomıkalyq aımaqtar týraly zańnamasyna sáıkes qyzmetin arnaıy ekonomıkalyq aımaqtyń aýmaǵynan tysqary jerde júzege asyratyn, aqparattyq jáne ınnovasııalyq tehnologııalar salasyndaǵy arnaıy ekonomıkalyq aımaqtyń qatysýshylary; 2) Basqarýshy komıtet aıqyndaıtyn tártippen Qordyń usynýy boıynsha ınnovasııalyq klaster qatysýshylarynyń tizbesine Innovasııalyq klasterdiń qamqorshylyq keńesi engizgen zańdy tulǵalar ınno­vasııalyq klasterdiń qatysýshylary bolyp tabylady. Qor ınnovasııalyq klaster qatysýshylarynyń tizbesine engizý úshin Innovasııalyq klasterdiń qamqorshylyq keńesine ǵylymı uıymdar, táýekelmen ınvestısııalanatyn aksıonerlik ınvestısııalyq qorlar, bilim berý uıymdary, tehnologııalyq park­ter, salalyq konstrýktorlyq bıýrolar, tehnologııalardy kommersııalandyrý ortalyqtary, ulttyq damý ınstıtýttary, ulttyq basqarýshy holdıngter, ulttyq holdıngter, ulttyq kompanııalar mártebesi bar zańdy tulǵalardy usynady. 3-taraý. «INNOVASIIаLYQ TEHNOLOGIIаLAR PARKI» ARNAIY EKONOMIKALYQ AIMAǴYN  BASQARÝ EREKShELIKTERI 8-bap. «Innovasııalyq tehnologııalar parki» arnaıy ekonomıkalyq aımaǵyn basqarý 1. «Innovasııalyq tehnologııalar parki» arnaıy ekono­mı­kalyq aımaǵyn basqarýdy Qor júzege asyrady. Qazaqstan Res­pýb­lıkasynyń Úkimeti Qordyń quryltaıshysy bolyp taby­lady. Qor óz qyzmetin Qor jarǵysynyń negizinde júzege asyrady. 2. Qordyń sheteldik qyzmetkerlerdi basshy jáne joǵary bilimdi mamandar laýazymdaryna tartýy sheteldik jumys kúshin tartýǵa beriletin ruqsattardy almaı júzege asyrylady. 3. Qordyń fýnksııalaryna Qazaqstan Respýblıka­sy­nyń ar­na­ıy ekonomıkalyq aımaqtar týraly zań­namasyna sáı­kes «Innovasııalyq tehnologııalar parki» arnaıy ekono­mı­ka­­lyq aımaǵynyń basqarý organynyń fýnksııalary, In­novasııalyq klasterdiń qamqorshylyq keńesi aıqyndaǵan qatysý­shy­lar­dyń jobalaryn qarjylandyrý, sondaı-aq Qazaqstan Respýb­lıkasynyń zańnamasynda kózdelgen ózge de fýnksııalar jatady. Innovasııalyq klaster qamqorshylyq keńesiniń qatysý­shy­lardyń jobalaryn qarjylandyrý týraly sheshimi qatysýshylardyń jobalary saraptamasynyń qorytyndysy negizinde qabyldanady. Qatysýshylardyń jobalaryna saraptama júrgizý qaǵıdalaryn Qazaqstan Respýblıkasynyń Prezıdenti bekitedi. 9-bap. Qordyń basqarý organdary 1. Basqarýshy komıtet Qordyń joǵary basqarý organy bolyp tabylady. Qazaqstan Respýblıkasynyń Premer-Mınıstri Basqarýshy komıtettiń Tóraǵasy bolyp tabylady. Basqarýshy komıtet týraly erejeni, sondaı-aq onyń quramyn Basqarýshy komıtettiń Tóraǵasy bekitedi. 2. Basqarýshy komıtettiń aıryqsha quzyretine: 1) Qor jarǵysyna ózgerister men tolyqtyrýlar engizý; 2) Qordyń jyldyq jáne orta merzimdi bıýdjetterin bekitý; 3) Qordyń taýarlardy, jumystardy, kórsetiletin qyzmetterdi satyp alý qaǵıdalaryn bekitý; 4) Qordyń syrtqy aýdıtin júzege asyratyn aýdıtorlyq uıymdy aıqyndaý; 5) osy Zańǵa jáne Qor jarǵysyna sáıkes ózge de ókilettikter jatady. 3. Basqarýshy komıtettiń quramyna quryltaıshynyń ókilderi, ǵylymı jáne pedagog qyzmetkerler, qoǵamdyq birlestikterdiń ókilderi, sondaı-aq ózge de adamdar kiredi. 4. Qordyń aǵymdaǵy qyzmetine basshylyqty onyń atqarý­shy organy júzege asyrady, ol alqaly nemese jeke-dara bolýy múmkin. Qordyń atqarýshy organy Basqarýshy komıtettiń sheshimderi negizinde jáne olardy oryndaý úshin áreket etedi jáne oǵan esep beredi. Qordyń atqarýshy organynyń qurylymy, quzyreti, qalyp­tasý tártibi men ókilettik merzimderi Qor jarǵysynda aıqyndalady. 5. Qordyń atqarýshy organy áreketterimen jáne (nemese) áreketsizdigimen keltirgen zııan úshin Qor aldynda Qazaqstan Respýblıkasynyń zańdaryna sáıkes jaýaptylyqta bolady. 6. Qorda onyń jarǵysyna sáıkes ózge de organdar qurylýy múmkin. 10-bap. Qordyń múlki 1. Qordyń múlki: 1) erikti múliktik jarnalar men qaıyrmaldyqtar; 2) Qazaqstan Respýblıkasynyń jer qoınaýy jáne jer qoınaýyn paıdalaný týraly zańnamasyna sáıkes ǵylymı-zertteý jumystaryn, ǵylymı-tehnıkalyq jumystardy jyl saıyn qarjylandyrý jónindegi mindettemeni oryndaý sheńberinde jer qoınaýyn paıdalanýshy jibergen aqsha; 3) Qazaqstan Respýblıkasynyń zańnamasynda bel­gi­lengen jaǵdaılarda taýarlardy, jumystardy ótkizý­den jáne qyzmetterdi kórsetýden túsken túsimder (kirister); 4) aksııalar, oblıgasııalar, basqa da baǵaly qaǵazdar jáne salymdar (depozıtter) boıynsha alynatyn dıvıdendter (kirister, syıaqylar (múdde); 5) Qazaqstan Respýblıkasynyń zańdarynda tyıym salynbaǵan basqa da kózder esebinen qalyptasady. 2. Qazaqstan Respýblıkasynyń zańnamasyna sáıkes Qor memlekettik tapsyrma alýǵa quqyly. Qatysýshylardyń jobalaryn qarjylandyrý fýnksııalaryn qospaǵanda, memlekettik tapsyrma Qorǵa Qazaqstan Respýblıkasynyń arnaıy ekonomıkalyq aımaqtar týraly zańnamasyna sáıkes «Innovasııalyq tehnologııalar parki» arnaıy ekonomıkalyq aımaǵynyń basqarý organynyń fýnksııalaryn oryndaýǵa beriledi. 3. Osy baptyń 1-tarmaǵynyń 2) tarmaqshasyna sáıkes Qor jer qoınaýyn paıdalanýshydan alǵan aqsha tek Innovasııalyq klasterdiń qamqorshylyq keńesi aıqyndaǵan qatysýshylardyń jobalary sheńberinde ǵylymı-zertteý jumystaryn jáne ǵylymı-tehnıkalyq jumystardy qarjylandyrýǵa ǵana paıdalanylady. Bul rette, Qor: 1) aqshany jiberý úshin bank shotyn ashady; 2) Qorǵa jer qoınaýyn paıdalanýshylar jibergen aqshanyń esebin árbir jer qoınaýyn paıdalanýshy boıynsha jeke-jeke, son­daı-aq ǵylymı-zertteý jumystaryna jáne ǵylymı-tehnı­kalyq jumystarǵa aqshany paıdalaný esebin júrgizýge mindetti. 4. Qordyń osy bapqa sáıkes qalyptastyrylǵan múlki oǵan menshik quqyǵymen tıesili bolady. 5. Qor osy baptyń 1-tarmaǵynyń 1), 3), 4) jáne 5) tarmaq­sha­laryna sáıkes qalyptastyrylǵan múlikti «Innovasııalyq tehnologııalar parki» arnaıy ekono­mıkalyq aımaǵynyń qyzmeti men jumys isteýin qam­ta­masyz etý, sondaı-aq Innovasııalyq klasterdiń qam­qor­shylyq keńesi aıqyndaǵan qatysýshylardyń jobalaryn qarjylandyrý úshin paıdalanady. 6. Qor múlkine quryltaıshynyń múliktik quqyqtary bolmaıdy. Quryltaıshy Qordyń mindettemeleri boıynsha jaýap bermeıdi, al Qor quryltaıshynyń mindettemeleri boıynsha jaýap bermeıdi. 11-bap. Qordy qaıta uıymdastyrý, taratý 1. Qor Qazaqstan Respýblıkasynyń zańnamasyna jáne Qor jar­ǵysyna sáıkes qaıta uıymdastyrylýǵa, taratylýǵa jatady. 2. Qor taratylǵan kezde kredıtorlardyń talaptary qanaǵattandyrylǵannan keıin qalǵan múlik Qordyń quryltaı qujattarynda kórsetilgen maqsattarǵa jumsalady. 4-taraý. QORYTYNDY JÁNE О́TPELI EREJELER 12-bap. Qazaqstan Respýblıkasynyń ınnovasııalyq klaster týraly zańnamasyn buzǵany úshin jaýaptylyq Qazaqstan Respýblıkasynyń ınnovasııalyq klaster týraly zańnamasyn buzý Qazaqstan Respýblıkasynyń zańdaryna sáıkes jaýaptylyqqa ákep soǵady. 13-bap. О́tpeli erejeler 1. Osy Zań qoldanysqa engizilgen kúnnen bastap alty aı ishinde quryltaıshy jarǵylyq kapıtalyna memleket qatysatyn tıisti zańdy tulǵany qaıta uıymdastyrý arqyly Qor qurý týraly sheshim qabyldaıdy. 2. «Innovasııalyq tehnologııalar parki» arnaıy ekono­mıkalyq aımaǵynyń basqarýshy kompanııasy «Innova­sııalyq tehnologııalar parki» arnaıy ekonomıkalyq aımaǵynyń basqarý organynyń fýnksııa­laryn ol Qazaqstan Respýblıkasynyń zańnamasynda kózdelgen tártippen Qor bolyp qaıta qurylǵanǵa deıin oryndaıdy. 14-bap. Osy Zańdy qoldanysqa engizý tártibi Osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 10 maýsym №207-V QRZ