Shırek fınal satysynda Qazaqstan tennısshisi Latvııa ókili jáne osy jarystardyń 17-shi raketkasy Elena Ostapenkomen kúsh synasty. Rybakına bul jekpe-jekti senimdi túrde bastady, qarsylastyń ınnınginde breık jasap, birinshi sette 6:2 esebimen jeńiske jetti. Matchtyń birinshi bóligi 1 saǵat 5 mınýttyq oıyn ýaqytyn aldy. Match kenetten jaýǵan jańbyr saldarynan toqtap, uıymdastyrýshylar Rod Leıver arenasynyń shatyryn jabýǵa májbúr boldy.
Ekinshi partııa Ostapenkonyń oryndaýyndaǵy breıkten bastaldy, Latvııa ókili 2:0 esebimen alǵa shyqty. Alaıda Rybakına oǵan ese qaıtaryp, qatarynan 4 oıynda jeńiske jetti. Oıyn 6:2, 6:4 esebimen aıaqtaldy.
Osylaısha, Elena Rybakına óz mansabynda alǵash ret Avstralııa ashyq chempıonatynyń jartylaı fınalyna shyqty. Buǵan deıin Qazaqstan ókilderi mundaı kórsetkishke qol jetkize almaǵan edi.
Fınaldyń 1/2 kezeńinde Elena Rybakına Djessıka Pegýla (AQSh) men Vıktorııa Azarenka (Belarýs) arasyndaǵy matchtyń jeńimpazymen kezdesedi.
