17 qańtarda Batys-2 shaǵyn aýdanyndaǵy Táýelsizdik dańǵylynyń boıynda keshki ýaqytta belgisiz avtokóliktiń júrgizýshisi 12 jastaǵy balany qaǵyp, oqıǵa ornynan qashyp ketken.
Polısııa qyzmetkerleri jedel-izdestirý is-sharalaryn júrgizý barysynda Opel Astra avtokóliginiń 19 jastaǵy júrgizýshisin anyqtap, ustady.
Avtokólik arnaıy avtoturaqqa qoıyldy. Júrgizýshige qatysty QR ÁQBtK-niń 610-baby 2-bóligi (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) jáne 611-baby 2-bóligi (Júrgizýshiniń jol júrisi qaǵıdalaryn buza otyryp jol-kólik oqıǵasy bolǵan ornyn qaldyrýy) boıynsha ákimshilik is qozǵaldy.
Medısınalyq tekseristen keıin jasóspirim bala úıine qaıtaryldy.
