Qoǵam • 24 Qańtar, 2023

Qazaqstan zańnamasyn buzǵan shetel azamatyna aıyppul salyndy

454 ret kórsetildi

Reseı Federasııasynyń 34 jastaǵy azamatshasyna Qazaqstan Respýblıkasynyń azamattyǵy týraly zańnamasyn buzǵany úshin aıyppul salyndy, dep habarlaıdy Egemen.kz QR IIM baspasóz qyzmetine silteme jasap.

Bıylǵy jyldyń basynan beri kóliktegi PD-da QR QK-niń 392-baby (Qazaqstan Respýblıkasynyń Memlekettik shekarasyn qasaqana zańsyz kesip ótý) boıynsha bir qylmystyq quqyq buzýshylyq tirkeldi.

Sondaı-aq QR ÁQBtK-niń 517-baby (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha Qazaqstan Respýblıkasynda bolý erejelerin buzǵan 51 sheteldik ákimshilik jaýapkershilikke tartyldy. Onyń 14-ine 5 jyl merzimge elimizge kirýge tyıym salyndy. Máselen, Mańǵystaý stansııasyndaǵy jelilik polısııa bóliminiń qyzmetkerleri Aqtaý qalasynyń áýejaıynda Qazaqstan azamattyǵy týraly zańnamasyn buzǵan Reseı Federasııasynyń 34 jastaǵy azamatshasyn anyqtady.

Kóliktegi PD bastyǵynyń birinshi orynbasary Madııar Aıtýǵanovtyń aıtýynsha, sheteldik áıelge qatysty Qazaqstan Respýblıkasy ÁQBtK-niń 496-babynyń 2-bóligi boıynsha ákimshilik hattama toltyryldy.

«Aqtaý qalasynyń ákimshilik quqyq buzýshylyq jónindegi mamandandyrylǵan aýdanaralyq sotynyń sheshimimen Reseı Federasııasynyń azamatshasy 200 AEK (690 myń teńge) mólsherindegi aıyppul túrinde ákimshilik jaýapkershilikke tartyldy», dedi Madııar Aıtýǵanov.

QR Ulttyq qaýipsizdik komıtetiniń shekara qyzmetimen ózara is-qımyl jasaý nátıjesinde qos azamattyǵy úshin barlyǵy 8 adam anyqtalyp, jaýapkershilikke tartylǵan.

 

Gúlshahra SANSYZBAI

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar