Atalǵan derek boıynsha QR QK-niń 135-baby 1-bóligimen (Kámeletke tolmaǵandar saýdasy) sotqa deıingi tergeý amaldary bastaldy. Jambyl oblysy PD uıymdasqan qylmysqa qarsy kúres basqarmasynyń qyzmetkerleri jedel-izdestirý is-sharalaryn júrgizý kezinde Taraz qalalyq kópbeıindi aýrýhanasynyń eki akýsherin anyqtap, ustady.
«Tergeý sharalary barysynda jańa týǵan qyzdy akýsher mamandar 39 jastaǵy Taraz turǵynyna 1,5 mln teńgege satyp jibergeni belgili boldy. QR QPK-niń 128-babyna sáıkes atalǵan áıelder ýaqytsha ustaý ızolıatoryna qamaýǵa alyndy. Al balany satyp alýshyǵa qatysty qolhatpen bosatý túrindegi bultartpaý sharasy taǵaıyndaldy», delingen habarlamada.
Náreste Taraz qalasynyń sábıler úıine ornalastyryldy. Tergeý jalǵasyp jatyr.
