15 jastaǵy Erasyl men 14 jastaǵy Qanattyń batyldyǵynyń arqasynda órtten eshkim zardap shekken joq.
Mınıstr Qaraǵandy qalasyndaǵy №12 mekteptiń oqýshylaryna órtti sóndirý kezinde qaısarlyq pen batyldyq kórsetkenderi úshin alǵysyn bildirdi.
«Senderge adam ómirin qutqarýǵa qadam basqan erjúrek batyrlyqtaryń úshin zor alǵysymdy bildiremin. О́z ómirlerińe qaýip tónip tursa da, táýekelge bel býyp, naǵyz erlik jasap, úlken qaıǵynyń aldyn aldyńdar. Mundaı áreketke barýdyń ózi úlken júrektilik pen batyldyqty, qaısarlyqty talap etedi. Jasaǵan qadamdaryń rýhy berik, naǵyz batyrdyń áreketi dep bilemin.
Sender bolashaqta ata-babamyzdan mıras bolyp qalǵan elimizdiń keń dalasyn, asqar taýyn, sarqyrap aqqan kók ózenin qorǵaıtyn, halyqtyń maqtanyshyna aınalatyn naǵyz patrıot azamat bolyp shyǵatyndaryńa senimim mol. Bolashaqtaryń jarqyn bolsyn!», delingen mınıstrdiń alǵys hatynda.
Esterińizge sala keteıik, aǵaıyndy Erasyl men Qanat Smaǵulovtar kórshileriniń kómek suraǵan aıqaıyn estip, órt sóndirýshilerdi shaqyrǵan jáne olar kelgenge deıin órtti ózderi sóndire bastaǵan.
