Qazaqstan • 26 Qańtar, 2023

Kóktemgi egis jumystaryn qarjylandyrýǵa fermerlerden ótinim qabyldaý bastaldy

325 ret
kórsetildi
1 mın
oqý úshin

2023 jyly respýblıkalyq bıýdjetten kóktemgi egis jumystaryn qarjylandyrýǵa  140 mlrd teńge bólindi. Nesıeleýdi «Agrarlyq nesıe korporasııasy» AQ (ANK)  júzege asyrady. ANK fılıaldarynda agroónerkásiptik keshen sýbektilerinen ótinimderdi qabyldaý bıylǵy jyldyń qańtar aıynda bastaldy, dep habarlaıdy Egemen.kz.

Kóktemgi egis jumystaryn qarjylandyrýǵa fermerlerden ótinim qabyldaý bastaldy

«Agrarlyq nesıe korporasııasyna» qarjylandyrýdyń jalpy somasy 70 mlrd teńgeden eki transhpen jiberiledi. Birinshi transh qazir aýdaryldy, ekinshi transh aqpan aıynda jiberiledi.

Qarjylandyrý AО́K sýbektilerine tikeleı kredıt berý arqyly, sondaı-aq kredıttik seriktestikterdi, ekinshi deńgeıdegi bankterdi jáne mıkroqarjy uıymdardy qorlandyrý arqyly júzege asyrylady. AО́K sýbektileri úshin syıaqy mólsherlemesi:

- banktik kepildikpen tikeleı kredıtteý kezinde jyldyq mólsherleme 1,5% - dan aspaıdy;

- kredıttik seriktestikter, mıkroqarjy uıymdary, ekinshi deńgeıdegi bankter qarjylandyrǵan kezde jyldyq mólsherleme 5%-dan aspaıdy.

2023 jyly baǵdarlamanyń sharty boıynsha kredıtteý merzimi kelesi jyldyń kókteminiń basyna deıin uzartyldy, al buryn kredıtteý merzimi qarjylandyrý jylymen shektelip kelgen bolatyn.

Bıýdjettik qarjylandyrý esebinen keminde 2 mln ga egis alqabyn qamtý josparlanyp otyr.