Shymkentke jumys saparymen barǵan Premer-mınıstr Álıhan Smaıylov josparlanǵan baǵdarlamadan bólek, birinshi kezekte qalalyq áýejaıdyń jaı-kúıimen tanysyp, jańa termınal qurylysyn jedeldetýdi tapsyrdy, dep habarlaıdy Egemen.kz.
Álıhan Smaıylov Shymkent Shyǵys pen Batys arasyndaǵy kólik qozǵalysynyń túıisken jerinde ornalasqan elimizdegi úshinshi iri megapolıs ekenin atap ótti. Bul óz kezeginde tikeleı jáne tranzıttik reısterdi oryndaýǵa yńǵaıly jaǵdaı jasaıdy.
Sonymen qatar Premer-mınıstr Shymkent áýejaıynyń jaǵdaıy halyqaralyq mártebege sáıkes kelmeıtinin atap ótti.
«Jańa termınal salý 2018 jyly tapsyrylǵan bolatyn. Ne sebepten áli kúnge deıin paıdalanýǵa berilmeı otyr? Qalaǵa nemese elge kelgen týrıster men qonaqtar eń aldymen áýejaıdyń jaǵdaıyna nazar salady. Sol sebepti tez arada jańa termınaldy paıdalanýǵa berý kerek», dedi Álıhan Smaıylov.
Shymkent qalasynyń ákimi Murat Áıtenov búgingi tańda joba 80%-dan astamǵa aıaqtalǵanyn, qurylys 40 myń sharshy metr alyp jatqanyn aıtty. Termınal 2023 jyldyń sońynda tolyǵymen paıdalanýǵa beriledi. Qala basshysynyń aıtýynsha, bul respýblıkadaǵy eń iri termınaldardyń biri bolmaq.
Úkimet basshysy ákimdikke jumystardyń barlyǵyn múmkindiginshe tezirek aıaqtap, qurylystyń odan ári sozylýyna jol bermeý qajettigin atap ótti.
Qoǵam • Búgin, 21:22
Sport • Búgin, 21:21
Ásker • Búgin, 21:20
Áskerılerdiń áleýmettik áleýeti
Ásker • Búgin, 21:19
Aımaqtar • Búgin, 21:17
Qoǵam • Búgin, 21:16
Uqsas jańalyqtar
