26-27 qańtar kúnderi «QazMunaıGaz» UK AQ Basqarma tóraǵasy Maǵzum Myrzaǵalıev Rýmynııanyń Býharest qalasyna jumys saparymen bardy, dep habarlaıdy Egemen.kz.
Sapar barysynda kompanııa basshysy jergilikti úkimettik toptarmen birqatar kezdesý ótkizip, KMG International kompanııasynyń Rýmynııadaǵy bıznesin damytý perspektıvalaryn talqylady.
Al KMG International basshylyǵymen ótkizgen keńeste M.Myrzaǵalıev kompanııanyń 2022 jylǵy operasııalyq jáne qarjylyq nátıjelerin talqylady.
Ol sondaı-aq Petromidia munaı óńdeý zaýytynyń óndiristik nysandary men basqarý ortalyǵyna, sondaı-aq Rompetrol brendimen jumys isteıtin janarmaı quıý stansııalaryna bardy.
«Eýropadaǵy kúrdeli geosaıası ahýal kezinde QMG Rýmynııa naryǵyna munaıdyń birden-bir senimdi jetkizýshi bolyp, eldiń energetıkalyq qaýipsizdigine eleýli úles qosyp otyr. Biz sheteldik aktıvterimizdiń tıimdiligin arttyrýdy kózdeımiz», dep atap ótti QMG Basqarma tóraǵasy keńes barysynda.
Sonymen qatar M.Myrzaǵalıev KMGI kompanııasynyń óz ishinde elektr energııasy men bý óndirý úshin salyp jatqan COGEN elektr energııasy men jylýdy (JEO) aralas óndiretin elektr stansasynyń qurylys alańyna bardy. JEO qurylysy elektr qýaty men býǵa ketetin shyǵyndy azaıtýǵa, munaı óńdeý zaýytyna elektr jáne býdyń úzdiksiz jáne sapaly jetkizilýin qamtamasyz etýge múmkindik beredi. Elektr energııasynyń artyq mólsheri Rýmynııanyń Ulttyq jelisine satylýy múmkin.
Aıta ketetini, COGEN JEO qurylysy 2013 jyly KMGI men Rýmynııa úkimeti arasynda jasalǵan ózara túsinistik týraly memorandým boıynsha KMGI mindettemelerin oryndaý maqsatynda qurylǵan qazaq-rýmyn ınvestısııalyq qorynyń sheńberinde iske asyrylyp jatyr.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Mereke • Búgin, 08:53
BUU Naýryzy: Álemdi úılestiretin meıram
Mereke • Búgin, 08:50
Abaı • Búgin, 08:47
Mereke • Búgin, 08:45
Mereke • Búgin, 08:43
Uqsas jańalyqtar
