Ekotýrızmge – aıryqsha kózqaras

Jetisý jaıly áńgime bastaı qalsaq, áýeli tumsa tabıǵatyn, kóz tartar kórikti jerlerin tilge tıek etemiz. Endeshe, eldegi ekologııalyq týrızmdi turaqty damytý úshin jer jánnatynyń sulý jerlerin kórkeıtýimiz shart. Bul rette óńirde óristi jumystar júrgizilip keledi. Onyń ústine Jetisýdyń tabıǵı-klımattyq jaǵ­daıy týrızmniń san túrin órkendetýge qolaıly. Máselen, rekreasııalyq, máde­nı-tarıhı, emdeý-saýyqtyrý, sport­tyq, eko jáne agrotýrızmdi órken­detýge esh kedergi joq. Osy oraıda ob­lystyq týrızm basqarmasy qajetti ınfra­qu­ry­lymdarmen qamtamasyz etý ju­mys­taryn aldaǵy jyly da jalǵastyrmaq nıette.

Jetisý oblysy ákiminiń baspasóz qyz­metiniń málimetine súıensek, Alakól jáne Raı kólderi jaǵalaýlarynda, Tam­shybulaqta, «Jońǵar Ala­taýy» MUTP aýmaqtarynda jáne bas­qa da tanymal týrıstik oryndarda sha­ǵyn sáýlettik formalar, oryndyqtar, baǵyttaǵysh belgiler qoıý, abattandyrý baǵytyndaǵy basqa da jumystar atqarylady. Odan ózge «Sıvers alma­synyń gúldeýi», «Alakól qanaty», «Koksu Water Fest» sııaqty tanymal fes­tıvalder túrinde oqıǵaly týrızmdi da­mytýǵa den qoıylmaq.

Búginde «Altynemel» ulttyq parki aýmaǵynda ekologııalyq týrızmdi damytý baǵytyndaǵy ınvestısııalyq joba iske asyryla bastady. Qazirgi kezde onda sholý alańy, samaljaı, kempıngter, aqparattyq qalqandar, navıgasııalyq baǵyttaǵysh belgiler, qurǵaq ájethana ornatylǵan. Vızıt-ortalyq salyna bas­tady, ol 2023 jyldyń aqpan aıynda aıaqtalýǵa tıis. Jumys aıaqtalǵanda salynǵan ınvestısııa kólemi 2 mlrd teńge bolady dep kútilýde. Jobanyń ınvestory men iske asyrýshysy – «QazaqGeography» RQB men «Assemtal» JShS zańdy tulǵalar konsorsıýmy.

Sol sııaqty Sarybulaq aýylynan «Altynemelge» deıingi qıyrshyq-tas jolǵa aǵymdaǵy jóndeý jumystary jasaldy. Bul rette 2022 jyldan Sheń­geldi-Qapshaǵaı avtojolyna ortasha jón­deý júrgizilip jatyr. Búginde avtojoldyń 5 shaqyrymy jóndeldi. Osy jyldyń naý­ryz aıynan jóndeý jumystary qaıta jandanady. «Jońǵar Alataýy» ulttyq parkine kólikpen barýǵa qolaıly jaǵdaı jasaý úshin uzyndyǵy 20 shaqyrym bolatyn «Topolevka-Jalańash» avtokólik jolyna jóndeý júrgizilýde. Qurylys jumystarynyń jalpy quny – 281 mln teńge. Aıaqtalý merzimi – 2023 jyldyń qazan aıy.

Joǵaryda atap ótkendeı, Memleket basshysynyń tapsyrmasy negizinde óńirde Burhanbulaq sarqyramasyna deıingi jolǵa jóndeý júrgizý jos­parlanyp otyr. Qazirgi kezde joba­lyq-smetalyq qujattamasyn jasaý­ǵa bıýd­­­jettik tapsyrys daıyndalýda. So­nymen birge Eskeldi aýdany men Te­keli qalasy aýmaqtaryndaǵy «Tekesu Outdoor Senter» taý shańǵysy ký­ror­ty­­nyń irgesin keńeıtý jobasyn iske asy­rýǵa jaǵdaı jasaý úshin taý shańǵysy kýror­tyna aldaǵy ýaqytta shań­ǵy-bıat­lon keshenin salýǵa qajetti ınfra­qu­ry­lymnyń qurylysy jóninde Jol kar­tasy ázirlendi.

Oblystyq týrızm basqarmasynyń málimetinshe, Jetisý oblysynyń týrıs­tik áleýetin ilgeriletý úshin qazaq­stan­­dyq jáne halyqaralyq týrıstik kór­­­melerge, roýd-shoýlarǵa qatysý, otan­dyq jáne sheteldik týrıstik kompanııalar ókilderine arnalǵan V2V for­­­matynda vorkshop uıymdastyrý, ob­lystaǵy týrızm salasy ókilderi úshin oqytý kýrstaryn, master-klastar, semı­­narlar ótkizý, Aqsý, Sarqan, Ala­kól, Eskeldi aýdandaryndaǵy, Tekeli qalasyndaǵy týrıstik lokasııalarda, «Altynemel» jáne «Jońǵar Alataýy» MUTP aýmaqtarynda aqparattyq týrlar uıymdastyrý, sol sııaqty balalar men jasóspirimder týrızmin qoldaý, týrıstik salany sıfrlandyrý, brendtelgen jar­namalyq ónimder daıyndaý men shyǵarý jumystary josparlanǵan.

Jetisý oblysy