Ádilet mınıstrligi Digital Justice jobalar jıyntyǵy sheńberinde jańa qyzmetti iske qosty. Endi el azamattary mobıldi qosymsha arqyly JShS tez arada tirkeýge múmkindik aldy. Bul jaıynda Ádilet mınıstrliginiń resmı ókili Talǵat Ýálı habarlady.
Ol úshin Bereke Bank-tiń B-Business mobıldik qosymshasyn júktep alyp, bıometrııa kómegimen avtorızasııalaý jáne «JShS tirkeý» qyzmetin tańdaý qajet. Qyzmet Qazaqstan rezıdentinen turatyn jalǵyz qatysýshysy bar JShS úshin qoljetimdi.
Ári qaraı zańdy tulǵanyń ataýyn, quryltaıshynyń aty-jónin, benefısıarlyq menshik ıesi týraly málimetterin, salym somasyn, JShS qurý týraly sheshimniń derektemelerin, jyljymaıtyn múlik týraly derekterdi, qyzmet túrin jáne t. b. aqparattar kórsetedi.
Barlyq qajetti jolaqtardy toltyrǵannan keıin tutynýshy ótinishke qol qoıady jáne kásipkerlik qyzmettiń bastalǵany týraly birden habarlama alady. Ol avtomatty túrde memlekettik kirister jáne statıstıka organdaryna jiberiledi, sondaı-aq Bereke bank-te shot ashylady.
