Prezıdent Is Basqarmasy Medısınalyq ortalyǵyna qarasty «Qarlyǵash» balabaqshasy balalardy ertegilerdi paıdalana otyryp tárbıeleý, ulttyq mádenıet pen dástúrdi qurmetteý, ata-analardy bilim berý prosesine tartý jáne otbasynda kitap oqý dástúrin yntalandyrý maqsatynda «Anamnyń ertegisi» jobasyn bastady, dep habarlaıdy Egemen.kz.
Balabaqsha pedagogteriniń pikirinshe, mektep jasyna deıingi balalar úshin erteginiń tárbıelik máni zor. Ertegi arqyly olar álem, qorshaǵan orta týraly aqparat alady, sózdik qoryn keńeıtedi, logıkalyq sóıleýdi damytady. Bala ertegi tyńdaǵanda beınelerdi elestete otyryp, keıipkerlerdi túsinýge, olarǵa janashyrlyq tanytýǵa jáne meıirimdilikke úırenedi. Sondaı-aq ertegi balanyń boıyndaǵy mazasyzdyqty joıý tásilderiniń biri ári balanyń tulǵa retinde qalyptasýyna, boıyna jamandyq pen jaqsylyqty aıyryp-tanýǵa kómektesedi.
– Ata-analar «Anamnyń ertegisi» jobasyn jyly qabyldady. Joba orta toptaǵy balalarǵa arnalǵan, óıtkeni 3-4 jasynda olar óte izdenimpaz, jigerli jáne belsendi keledi. Joba boıynsha analar balasy tárbıelenetin topqa pedagogpen birge aldyn-ala tańdalǵan ertegini oqıdy, balalarmen sóılesedi, suraqtar qoıady, keıipkerlerdi talqylap pikir almasady, – dedi «Qarlyǵash» balabaqshasynyń №3 obektisiniń meńgerýshisi Asel Sadvakasova.
Pedagogterdiń aıtýynsha, ata-anaǵa kúndelikti kúıbeń tirshilikte ýaqyt taýyp, balaǵa ertegi oqýdyń mańyzy zor. Sebebi birge kitap oqý ata-ana men balanyń arasyn jaqyndastyryp qana qoımaı, rýhanı qarym-qatynastyń sırek jáne qýanyshty sátterin toltyrady.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
