Búginde ǵımarattyń bir bóligi toqsyzdandy. BQO Tótenshe jaǵdaılar departamentiniń baspasóz qyzmetinen túsken málimetke qaraǵanda, órt aýmaǵy 15 sharshy metrdi quraǵan. Mamandar órttiń naqty sebebin anyqtap jatyr.
«Maǵan mektepte órt shyqqany týraly túnde habarlandy. Saǵat 00:30-da men sonda boldym. Ázirge shyǵyn kólemin aıta almaımyz. Buryn elektr symdaryna qatysty másele týyndamaǵan, tótenshe jaǵdaılar mamandary únemi kelip, tekseretin. Ǵımarat 1992 jyly salynǵan. Bizdiń oqýshylar búgin qashyqtan oqytýǵa kóshti, muǵalimder de úıden jumys isteıdi. Erteń ádettegideı oqımyz dep úmittenemiz. Bizde 5-11 synyp aralyǵyndaǵy 525 bala oqıdy», deıdi mektep dırektorynyń mindetin atqarýshy Álııa Dúısigalıeva.
Esinen tanǵan kúzetshini jedel járdem alyp ketken. 64 jastaǵy er adam jansaqtaý bóliminde jatyr. Dárigerler oǵan kómirqyshqyl gazynan aýyr ýlaný dıagnozyn qoıdy, onyń jaǵdaıy óte aýyr.
Oqıǵa ornynda 50-den astam órt sóndirýshi jumys istedi. О́rt saǵat 00:40-ta sóndirildi.
