L.N. Gýmılev atyndaǵy Eýrazııa ulttyq ýnıversıteti janyndaǵy «Iаdrolyq tehnologııalar parki» AQ óndirýshilermen birlese radıasııalyq-modıfıkasııalanǵan oqshaýlaý qabaty bar munaı-sýasty jáne fotovoltaıkalyq kabelderdiń alǵashqy qazaqstandyq óndirisin jolǵa qoıýdy josparlap otyr, dep habarlaıdy Egemen.kz.
Ǵalymdar bul ónimdi shyǵarýdyń jańa tehnologııasyn ázirlep, qoldaný qasıetterin jaqsartty. Onyń basty artyqshylyǵy - joǵary temperatýraǵa tózimdilik.
EUÝ ǵalymdary kabeldik-ótkizgish ónimderdiń jańa túrlerin jasaý tehnologııasyn oılap tapty. Radıasııalyq modıfıkasııalanǵan oqshaýlaǵysh qabaty bar munaı-sýasty jáne fotovoltaıkalyq kabel paıdaly qazbalardy jáne balamaly energııa kózderin óndirýge arnalǵan. EUÝ ǵalymdary sheteldik áriptesterimen birlese ınertti ortada josparlanǵan óńdeý tehnologııasyna ózgerister engizip, kabeldik ónimniń paıdalaný qasıetterin jaqsartty. Bul óndiris ádisi bizdiń elde qoldanylmaıdy.
«Kabeldik-ótkizgish ónimderin jasaıtyn jergilikti óndirýshiler tek oqshaýlaǵysh qabatty peroksıdti biriktirý ádisin qoldanady. Biz «Qazelektromash» JShS-men birlesip, Qazaqstanda birinshi bolyp radıasııalyq-modıfıkasııalanǵan oqshaýlaý qabaty bar kabeldik ónimniń munaı-sýasty jáne fotovoltaıkalyq túrin shyǵaramyz. Bul oqshaýlaǵysh polımerdegi gel-fraksııanyń quramyn arttyrady jáne kabel-ótkizgish ónimderiniń fızıkalyq-mehanıkalyq sıpattamalaryn - ystyqqa tózimdilikti (teris jáne oń temperatýralarǵa), agressıvti ortaǵa tózimdilikti (siltili, qyshqyldyq orta) jáne radıasııaǵa tózimdilikti jaqsartýǵa múmkindik beredi», dep atap ótti «Iаdrolyq tehnologııalar parki» AQ ınjener-fızıgi, joba jetekshisi Azat Nurqasymov.
EUÝ ǵalymdary ǵylymı jobany kommersııalandyrýdy josparlap otyr. О́ndiris 2023 jyldyń I jartyjyldyǵynda iske qosylady. Bastapqy kezeńde óndiristik qýattylyq shamamen 5000 km kabeldik-ótkizgish ónimdi quraıdy. Bul rette olardyń 2 myń shaqyrymyna offteık-kelisimshart jasalady. Bul osy ónimge suranysty kórsetedi. Qazir fotovoltaıkalyq jáne munaı-sýasty kabelderin óndirýmen, modıfıkasııalaýmen jáne otandyq naryqqa BetaIzol degen ataýmen shyǵarýmen aınalysatyn startap-kompanııa quryldy.
Ǵalymdar ázirlegen radıasııalyq-modıfıkasııalanǵan oqshaýlaý qabaty bar kabel ónimderin óndirýdiń jańa tehnologııasy 2023-2025 jyldarǵa arnalǵan granttyq qarjylandyrýǵa ıe boldy.
Búginde EUÝ ǵalymdary ózin-ózi retteıtin jylytý kabelin shyǵarýdyń jańa tehnologııasyn ázirleýdi qolǵa aldy. Bul sýmen jabdyqtaý júıeleri men káriz qubyrlaryn muzdatý máselesin sheshýge, sondaı-aq ǵımarattardyń shatyrlaryna eshbir zııan keltirmeı, qardan tazartýǵa múmkindik beredi.
Qyrǵyzstanda topyraq kóshkini júrip, turǵyndar evakýasııalandy
Álem • Búgin, 14:01
EUÝ álemdik reıtıngte edáýir ilgeriledi
Bilim • Búgin, 13:32
Malaızııada Qazaqstan tennısshileri jartylaı fınalǵa shyqty
Sport • Búgin, 13:13
Bıyl elimizde 18 myń páter paıdalanýǵa berildi
Qoǵam • Búgin, 12:30
Aleksandr Býblık Maıamı masters týrnırinde jeńilip qaldy
Sport • Búgin, 12:12
Úndistanda pırotehnıka fabrıkasyndaǵy jarylystan 8 adam kóz jumdy
Álem • Búgin, 12:02
Uqsas jańalyqtar
