Jyl saıynǵy Digital Almaty halyqaralyq forýmy – bul bıznes ókilderiniń, halyqaralyq sarapshylardyń, IT-qoǵamdastyqtyń, memlekettik organdar men BAQ-tyń qatysýymen ótetin Almatydaǵy eń iri Tech-is-shara. Osymen besinshi ret ótip jatqan forým «Jańa shyndyqtaǵy sıfrlyq seriktestik» degen taqyryppen ótip jatyr. Jalpy paneldik sessııa 20 taqyryptan turady, dep habarlaıdy Egemen.kz.
Jıyndy ashqan Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın búgin Almatyda sıfrlyq tehnologııanyń jańa múmkindikterin talqylaıtynyn aıtty.
«Alataýdyń baýraıyndaǵy ásem qala Almatyda «Digital Almaty» besinshi, mereıtoılyq sıfrlyq forýmynda kórip otyrǵanyma qýanyshtymyn. Bıylǵy forým – «jańa bolmystaǵy sıfrlyq seriktestik» ataýymen ótkizilip otyr. Biz Almatyda osymen besinshi ret sıfrlyq saladaǵy jańashyldyqtardy talqylap, úzdik jetistikter týraly aıtatyn bolamyz», dep atap ótti mınıstr.
Almaty – elimizdiń IT ındýstrııanyń astanasy. Elimizdegi IT kompanııalardyń basym bóligi osynda ornalasqan. Qýantarlyǵy, aqparattyq tehnologııalar salasynyń damýyna qolaıly ınfraqurylym qalyptasqan. Mınıstr aıtyp ótkendeı, biz Almatynyń áleýetin úzdik IT mamandardy jınaıtyn óńirlik hab qurýǵa múddelimiz. Sebebi sıfrlyq sala – kózdi ashyp-jumǵansha ózgerip jatyr.
«Búgingi forým zaman talabyna saı qarqyndy damyp kele jatqan IT sala ókilderiniń basyn qosyp, olardyń «saǵat tilderin» teńestiretin ıgi dástúrge aınaldy. «Búgin biz naryqtaǵy aǵymdaǵy jaǵdaı týraly, bolashaq týraly, josparlar týraly aıtatyn bolamyz. Sondyqtan biz tek ekonomıkalyq sektorlardy nemese jalpy prosesterdi ǵana emes sıfrlyq transformasııalaý boıynsha belsendi jumys istep jatyrmyz, biz azamattyń ómirlik sıkliniń barlyq kezeńderinde bıznes-prosesterdi reınjınırıng jasaýdyń mańyzdylyǵyn túsindik jáne qazir onymen jumys istep jatyrmyz», dep atap ótti mınıstr.
Digital Almaty qazirdiń ózinde bıznes ókilderi, halyqaralyq sarapshylar jáne IT qaýymdastyǵy bas qosatyn biregeı alańǵa aınaldy.
Qazaqstandyq IT-naryǵynda qazirdiń ózinde 10 myńnan astam IT-kompanııalar bar, onyń 150 myńy osy salada jumys isteıdi. Sonymen qatar 1000-nan astam kompanııa qazirdiń ózinde Astana Hub tehnologııalyq ekojúıesiniń bir bóligi bolyp tabylady.
Biz salany preferensııalar túrindegi ınstıtýsıonaldyq qoldaýdy, bilikti IT mamandaryn daıarlaý baǵdarlamalaryn iske asyrýdy, salany damytýdyń draıverleri bolyp tabylatyn jedeldetý baǵdarlamalaryn jáne t.b. qamtamasyz etemiz. Startaptar óz ıdeıalaryn kórsetýge jáne ınvestorlardy tabýǵa múmkindik alady. Forým aıasynda kóptegen qyzyqty sessııalar men kórmeler josparlanǵan: halyqaralyq tehnoparkterdiń, iri IT-kompanııalardyń, baǵdarlamalaý mektepteriniń kórmesi, sala basshylary men jetekshi sarapshylarynyń qatysýymen paneldik sessııalar men dóńgelek ústelder ótedi.
Sondaı-aq «Sıfrlyq Almaty» marapattary da tabys etiledi. Syılyq eń jaqsy IT sheshimderdi anyqtaýǵa jáne olardy odan ári damytýǵa baǵyttalǵan.
Aqtóbe oblysynda poıyz ben jeńil kólik soqtyǵysty
Aımaqtar • Búgin, 19:20
Elordada kóktemgi sanıtarlyq tazalaý jumystary júrip jatyr
Elorda • Búgin, 18:32
Qaraǵandyda sý tasqyny qaýpi bar ýchaskeler áýeden baqylandy
Aımaqtar • Búgin, 17:19
Qazaqstandyq áskerı qyzmetshi sýper gran-prı jeńip aldy
Sport • Búgin, 16:54
Búgin elordada Qazaqstan - Danııa matchy ótedi
Fýtbol • Búgin, 16:27
Túrkistanda 11 jastaǵy qyz joǵalyp ketti
Aımaqtar • Búgin, 15:31
Uqsas jańalyqtar
