Parlament • 02 Aqpan, 2023

Senat spıkeri Gúlmıra Kárimovanyń týǵan-týystaryna kóńil aıtty

55 ret kórsetildi

Parlament Senaty depýtat Gúlmıra Kárimovanyń ókilettigin toqtatty, dep habarlaıdy Egemen.kz

«О́zderińizge belgili, ókinishke qaraı, ótken aptada áriptesimiz Gúlmıra Raıymbekqyzy Kárimova kenetten qaıtys boldy. Bul qaza bárimizge áser etti. Gúlmıra Raıymbekqyzy naǵyz memleket qaıratkeri edi. Bilim jáne ǵylym mınıstrliginde qyzmet etip, ulttyq bilim salasynyń damýyna zor úles qosqan. Jaqynda ol Senat depýtaty bolyp saılanǵan edi. Bul jaǵdaı óte úlken tragedııa, qaıǵyly jaǵdaı. Senat atynan áriptesimizdiń otbasy men jaqyndaryna kóńil aıtamyz. Jatqan jeri jánnatta bolsyn dep tileımiz», dedi Senattyń jalpy otyrysynda palata spıkeri Máýlen Áshimbaev.

Qazaqstan Respýblıkasy Konstıtýsııasynyń 52-babynyń besinshi tarmaǵyna sáıkes Parlament depýtaty qaıtys bolǵan jaǵdaıda onyń ókilettigi toqtatylady. Osyǵan baılanysty Ortalyq saılaý komıssııasy Senatqa tıisti usynys engizdi.

Jańadan saılanǵan senator Gúlmıra Kárimova 46 jasynda kenet ómirden ozdy.

Buǵan deıin Densaýlyq saqtaý mınıstrligi senator Gúlmıra Kárimovanyń óliminiń sebebin aıtqan edi. Sot-medısınalyq saraptamanyń aldyn ala qorytyndysy boıynsha, ólimge ınfarkt (jedel mıokard ınfarkti) sebep bolǵany habarlanǵan.

Uqsas jańalyqtar