Almatyda IV qysqy Jastar sport oıyndary bastaldy

Tórt jylda bir ótetin keshendi jarystyń shymyldyǵyn shańǵymen tuǵyrdan sekirýshiler men kıorlıngshiler ashty. «Suńqar» halyqaralyq shańǵy tramplınderi kesheninde 4 óńir – Almaty qalasy, ShQO, Jetisý jáne Almaty oblysynyń jas sportshylary 5 jas sanatynda sheberlik baıqasyp jatyr. Búgin órender K-20, K-40 jáne K-60 tuǵyrynan sekirip, úzdikterdi anyqtady.

K-20 (20 metr bıikten), uldar:

1. Ibrahım Abaıdýlaev (Almaty qalasy);
2. Ivan Ýshakov (ShQO);
3. Semıon Verveıkın (Almaty qalasy);

Qyzdar:

1. Aısha Marat (Almaty qalasy);
2. Anna Gaıkalova (Almaty qalasy);
3. Polına Shevsova (Almaty qalasy);

K-40 (40 metr tuǵyrdan), uldar:

1. Kereıhan Qabdýlla (Almaty qalasy);
2. Aleksandr Fılonenko (Almaty qalasy);
3. Iаromır Gılıov (Almaty qalasy);

Qyzdar:

1. Agata Vasıleva (Almaty qalasy);
2. Anastasııa Gorýnova (Almaty qalasy);
3. Taısııa Shıshkına (Almaty qalasy);

K-60 (60 metr bıikten), uldar:

1. Ilıa Mızernyh (Almaty qalasy);
2. Danıl Kamenkın (Almaty qalasy);
3. Artem Meshkov (Almaty qalasy);

Qyzdar:

1. Sofıa Shıshkına (Almaty qalasy);
2. Alıona Sverıdenko (ShQO);
3. Vıktorııa Rýlıova (ShQO);

Endi jasóspirimder K-90 tuǵyryndaǵy jekeleı jáne komandalyq saıyspen bul sport túrindegi jarysty aıaqtaıdy.

Al kıorlıng respýblıkalyq mańyzy bar 2 qala men 8 oblystan kelgen 300 jas sportshynyń basyn qosty. Olar 10 kún boıy 2 topqa bólinip, jekeleı jáne komandalyq saıysta synǵa túsedi. Búgin 1-týrdyń oıyndary ótti.

Aıta keteıik, bıylǵy keshendi jarys kezinde 11 sport túrinen úzdikter anyqtalmaq. Olar: bıatlon, kerlıng, konkımen júgirý, short-trek, shańǵy jarystary, mánerlep syrǵanaý, frıstaıl-mogýl jáne frıstaıl-akrobatıka, shaıbaly hokkeı, shańǵymen tuǵyrdan sekirý.

Barlyq básekeden soń ár sport túrinen elimizdiń jastar qurama komandalary jasaqtalyp, aldaǵy halyqaralyq resmı jarystarǵa, onyń ishinde 2024 jyly Ońtústik Koreıanyń Kanvondo qalasynda ótetin qysqy Jasóspirimder Olımpıadasyna baratyn sportshylardy anyqtalady. Sondaı-aq 2026 jylǵy Mılandaǵy (Italııa) Olımpııa oıyndaryna sapaly daıyndyq júrgizýge qatysatyn myqty sportshylar irikteledi.

Erejege engizilgen sport túrleri boıynsha Jastar oıyndarynyń jarystary shaıbaly hokkeı men kerlıngti qospaǵanda, Qazaqstan chempıonaty sheńberinde ótedi.

Oıyndardyń saltanatty ashylýy 23 aqpanda, saǵat 14:00-de Pavlodar qalasynda, al jabylýy 8 sáýir, saǵat 14:00-de Astana qalasynda bolady.