Baıqaýǵa qatysýǵa nıet bildirgen jas qalamgerler óz materıaldaryn 2023 jyldyń 28 sáýirine deıin usyna alady. Baıqaý nátıjeleri 2023 jyldyń 11 mamyrynda shyǵarylady.
Qazylar alqasy quramyna Ál-Farabı atyndaǵy QazUÝ-dyń oqytýshy professorlary, jýrnalıstıka jáne ádebıet teorııasyn zertteýshi ǵalymdar, qoǵam qaıratkerleri, belgili qalamgerler men jýrnalıster kiredi. Eń úzdik jumystar qazylar alqasy músheleriniń otyrysynda irikteledi.
Baıqaýdyń basty maqsaty - jastardyń ádebıetke degen qyzyǵýshylyǵyn arttyryp, ulttyq ádebıettiń bedelin nyǵaıtýǵa úles qosý, balalar ádebıetin damytýǵa kúsh salý, sondaı-aq jazýshy
R.Raıymqulovty óz zamanynyń kórnekti qalamgeri, tarıhı tulǵasy retinde tanytý, dáripteý.
Baıqaý kelesi nomınasııalar boıynsha júrgiziledi:
- Úzdik áńgime (erkin taqyryp);
- Balalarǵa arnalǵan úzdik shyǵarma (ertegi, mysal, áńgime, t.b.), (erkin taqyryp);
- Úzdik tanymdyq maqala (jazýshy R.Raıymqulovtyń ómiri men shyǵarmashylyǵy týraly tanymdyq maqala).
Baıqaýdyń sharttary:
- baıqaýda 2023 jyldyń 1 aqpany men 28 sáýiri aralyǵynda joldanǵan týyndylar irikteledi;
- baıqaýǵa Qazaqstannyń barlyq aımaǵyndaǵy joǵary oqý oryndary men bilim jáne ǵylym mekemeleriniń 35 jastan aspaǵan stýdentteri men magıstranttary jáne PhD-doktoranttar men jas ǵalymdar qatysa alady;
- baıqaýǵa tek qazaq tilindegi shyǵarmalar qabyldanady;
- bir avtor bir janr boıynsha ǵana baıqaýǵa qatysady;
- baıqaýǵa usynylatyn shyǵarmalar merzimdi basylymdarda jarııalanbaǵan, kitapqa engizilmegen jáne buǵan deıin basqa baıqaýlarda júldeli oryn almaýy tıis;
Baıqaý jumystaryna qoıylatyn talaptar:
- Kórkemdik sapanyń joǵary bolýy;
- Taqyryptyń ashylýy;
- Til tazalyǵy;
- Logıkalyq úılesim;
- Oı tereńdigi;
- Muraǵattyq aqparattardyń shynaıylyǵy;
- Jańashyldyǵy.
Baıqaýdyń ár nomınasııa boıynsha jeńimpazy 500 000 teńge kóleminde aqshalaı syılyqpen marapattalady. Qosymsha 3 qatysýshyǵa yntalandyrý syılyǵy retinde 100 000 teńgeden beriledi.
Jumysty rásimdeý talaptary:
- Baıqaý jumystary A-4 formatynda, Times New Roman qarpimen, 14 mólsherde, 1,15 aralyqta terilýi kerek;
- Baıqaýǵa usynylatyn materıaldar kólemi 7-8 betten aspaýy tıis.
- Birinshi faılda shyǵarmanyń birinshi betiniń joǵarǵy jaǵyna shyǵarmanyń nomınasııasy jáne avtordyń búrkenshik esimi ǵana jazylady. Ekinshi faılda avtordyń búrkenshik esimi jáne avtordyń tolyq aty-jóni kórsetilýi tıis. Sondaı-aq, mekenjaıy, baılanys telefony jazylýy kerek;
- Baıqaý materıaldary avtorlarǵa qaıtarylmaıdy.
- Materıaldar elektrondy nusqada qabyldanady.
- Baıqaý materıaldary myna elektrondy poshtaǵa jiberilýi tıis: mediaschoolalmaty2020@gmail.com.
