Indýstrııa jáne ınfraqurylymdyq damý vıse-mınıstri Dınara Sheglova Almatyda bastalǵan «Digital Almaty: jańa jaǵdaıdaǵy sıfrly áriptestik» atty V halyqaralyq forýmyna qatysty, dep habarlaıdy Egemen.kz vedomstvonyń baspasóz qyzmetine silteme jasap.
«О́nerkásipti sıfrly transformasııalaý» sessııasy sheńberinde Indýstrııa 4.0 elementterine baılanysty kórsetiletin memlekettik qoldaý men retteý joldary, sondaı-aq óndiris oryndarynda sıfrly jobalardy damytyp, engizý kezinde týyndaıtyn ózekti máseleler talqylandy.
Forým barysynda Qazaqstan men sheteldik kompanııalardyń mamandary osy baǵyt boıynsha óz oılaryn ortaǵa saldy. Atap aıtqanda, «Allıýr» kompanııalar toby» AQ, Tesla, Faceplate, CEO Geometry syndy iri kompanııalarynyń ókilderi ónerkásipti zamanaýı turǵyda ilgeriletý jónindegi tájirıbelerimen bólisti.
Ashyq dıalog alańynda IIDM basshysynyń orynbasary sıfrly tehnologııalardy ónerkásipke engizetin kásiporyndardy yntalandyrýǵa baılanysty mınıstrlik tıisti zań aktilerine ózgerister men tolyqtyrýlar engizilgenin, sondaı-aq IT-sheshimderdi ázirlep, engizetin óndiris oryndary shamamen 60 mln teńgege deıingi somada jumsalatyn shyǵyndardyń 40%-dan 50%-ǵa óteı alatynyn jetkizdi.
Bul rette, Digital Almaty – elimizdiń ońtústiginde ornalasqan megapolıste jyl saıyn ótkizilip turatyn jáne bıznes ókilderiniń, halyqaralyq sarapshylardyń, IT-qaýymdastyq pen memlekettik organdar men BAQ ókilderiniń basyn qosatyn iri tehnologııalyq is-sharaǵa aınalǵanyn aıta keteıik.
Atyraýda birneshe mekteptiń oqýshylary onlaın oqıdy
Qoǵam • Keshe
Prezıdent Qatar Ámirimen telefon arqyly sóılesti
Saıasat • Keshe
Áýejaıda shekarashylar qonaqtardy erekshe kútip aldy
Qoǵam • Keshe
Uqsas jańalyqtar
