Bıyl Qazaqstanda jalpy quny 1,1 trln teńgege 149 ınvestısııalyq jobany iske asyryp, onyń nátıjesinde óndiris oryndarynda 16,3 myńǵa jýyq turaqty jumys orny ashylady dep kózdelgen, dep habarlaıdy Egemen.kz.
Atalǵan jobalardyń deni qurylys ındýstrııasy, tamaq ónerkásibi, mashına jasaý men metallýrgııa salalaryna qatysty. Investısııalyq jobalardyń kóshin Astana qalasy men Aqtóbe jáne Almaty oblystary bastap turǵanyn aıta ketý kerek.
Máselen, iri jobalardyń qatarynda «Bogatyr» kenishindegi «Kómir óndirýdiń sıkldik-aǵyndyq tehnologııasyn» aıtýǵa bolady. Onyń maqsaty elektr stansalaryn qatty otynmen úzdiksiz qamtamasyz etýge baılanysty eskirgen tehnologııalyq jabdyqty jańartý, sondaı-aq 230 metr tereńdikten kómir qoryn tolyq ári tıimdi óndirýge baǵyttalǵan.
Sonymen qatar Ekibastuzda ferroqorytpa zaýytyn iske qosý josparlanyp otyr. Onyń óndiristik qýaty jylyna 240 myń tonnaǵa deıin ónim shyǵarýǵa qaýqarly. Jańa zaýyt iske qosylǵan boıda onyń ónimderi álemdik standarttyń barlyq talabyna sáıkes keledi dep kútilip otyr.
Budan basqa «Shubarkól Kómir» AQ arnaıy koks ónimin shyǵaratyn zaýyttyń jumysyn jolǵa qoımaq. Osy kásiporynnyń salynýy ımportty almastyrý baǵdarlamasy aıasynda júzege asyrylǵan taǵy bir tabysty jobaǵa aınalady. Jańa óndiris ornynda 400 myń tonnaǵa deıin ónim daıyndalady dep mejelenip otyr. Osy arqyly «Shubarkól Kómir» AQ qosylǵan quny joǵary ónim óndirip, ımport táýeldiliginen arylýǵa múmkindik alady.
Al Topan Chemical Industries kompanııasy kaýstıkalyq soda men tuz qyshqylyn óndiretin hımııa zaýytynyń jobasyn qolǵa alǵanyn aıta ketken jón. Atalǵan hımııalyq ónim óndirisi mańyzdy ónerkásiptik reagentterdiń ımportyn edáýir tómendetip, Qazaqstan men taıaý shet memleketterdiń kásiporyndaryn otandyq óndiristiń sapaly hımııalyq ónimderimen qamtamasyz etýge septigin tıgizedi.
Qazaqstandyq áskerı qyzmetshi sýper gran-prı jeńip aldy
Sport • Búgin, 16:54
Búgin elordada Qazaqstan - Danııa matchy ótedi
Fýtbol • Búgin, 16:27
Túrkistanda 11 jastaǵy qyz joǵalyp ketti
Aımaqtar • Búgin, 15:31
Benzın men dızeldiń kóterme saýdasyna shekti baǵa belgilenýi múmkin
Qazaqstan • Búgin, 15:14
Jansaıa Ábdimálik Bıbisara Asaýbaevanyń synyna jaýap berdi
Sport • Búgin, 14:07
Batýmıde Naýryz merekesi toılandy
Álem • Búgin, 13:47
Uqsas jańalyqtar
