«О́rleýde» mańyzdy másele talqylandy

Qazirgi tańdaǵy elimizdegi ózgerister, turaqty damýdyń jańa strategııalyq baǵyttary jáne qoǵamnyń ashyqtyǵy, onyń jedel aqparattanýy, qarqyndylyǵy bilim berýge qoıylatyn talaptardy túbegeıli ózgertti. Bilim berýdi jańartý ustazdardyń jaýapkershilikti túsinýi men kásibı deńgeıine jáne bilim berý úderisindegi kóptegen máselelerdi sheshýge qosqan úlesine baılanysty. Sonymen birge bul úrdis oqýshylardyń bilimin ǵana emes, ony ómirde qoldaný daǵdylaryn, atap aıtqanda, fýnksıonaldyq saýattylyǵyn damytady. Oqýshylardyń fýnksıonaldyq damýy týraly másele alǵash ret El­basynyń 2012 jylǵy 27 qań­­­­­tar­daǵy Qazaqstan halqyna «Áleý­­mettik-ekonomıkalyq jań­ǵyrtý – Qazaqstannyń damýynyń negizgi baǵyty» Joldaýynda kóte­rilgen bolatyn. Onda osy másele boıyn­sha besjyldyq Ulttyq is-qımyl josparyn qabyldaý týraly naqty tapsyrma qoıyldy. Joldaý­ǵa baılanysty Qazaqstan Res­pýb­lıkasy Úkimetiniń 2012 jylǵy 25 maýsymdaǵy qaý­ly­sy­men «Oqý­shylardyń fýnk­sıo­nal­dyq saýat­tylyǵyn damytý jónin­degi 2012-2016 jyldarǵa arnal­ǵan Ulttyq is-qımyl jospary» qabyldandy. Fýnksıonaldyq saýatty­lyq­tyń jalpy baǵyty retinde jalpy bilim berý mektep­terin­degi azamattardyń ıntel­lek­týaldyq, rýhanı jáne dene damýy, olardyń bilimin álemdegi jyldam ózgeris jaǵdaıynda áleýmettik jaǵdaıǵa beıimdeý Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasynda atap kórsetilgen. Ulttyq jospardy iske asyrý memlekettik organdardyń, ká­sibı qoǵamdastyqtardyń, úki­met­­­tik emes uıymdardyń, bilim berý uıymdarynyń, pedagog kadr­lardyń biliktiligin art­tyrý ınstıtýttarynyń, ata-analar­dyń qyzmetin úılestirýdi qajet etedi. Osyǵan oraı jaqynda «О́rleý» biliktilikti arttyrý ulttyq ortalyǵy» AQ Ońtústik Qazaqstan oblysy boıynsha fılıalynda «Fýnksıonaldyq saýattylyq – sapaly bilim berýdiń kepili» taqy­rybynda respýblıkalyq ǵyly­mı-praktıkalyq konferensııa ótkizildi. Onyń jumysyna «О́r­leý» BAUO» AQ dırektorlar keńesi­niń tóraǵasy M.Ábenov, basqar­ma tóraǵasynyń orynbasary, professor J.Qaraev, qoǵam fılıal­darynyń dırektorlary, bilim salasynyń ǵalymdary, joǵary oqý oryndary, kolledj jáne bilim berý uıymdarynyń basshylary, biliktilikti arttyrý ınstıtýttarynyń oqytýshylary qatysyp, pikir almasty. «О́rleý» BAUO» AQ Ońtústik Qazaqstan oblysy boıynsha fı­lıaly pedagogıkalyq qyz­met­kerlerdiń biliktiligin arttyrý ınstıtýtynda otandyq jáne shet­eldik tájirıbelerdi óńir mek­tepterine taratýǵa qabiletti, bilikti de bilimdi mamandardyń úlken áleýeti shoǵyrlanyp keledi. Sonymen qatar, ınstıtýt memleket belgilegen bilim berýdi damytýdyń jańa baǵyttaryn júzege asyrýda. Atap aıtqanda olar – jańa mazmundaǵy qysqa merzimdi biliktilikti arttyrý kýrstary, Nazarbaev zııatkerlik mektepteri men Kembrıdj ýnıversıteti birigip daıarlaǵan deńgeılik baǵ­darlamalar, E-learning jáne Smart-­learning úderisterin engizý, halyq­aralyq yntymaqtastyqty damytý, álemdik tájirıbe negizinde ınstıtýt qyzmetkerleriniń biliktiligin arttyrý, aǵylshyn tilin erte jastan oqytý, kóptildi tulǵany qalyptastyrý bolyp otyr. Plenarlyq májiliste oqý jy­­lynyń qorytyndysy boıynsha oblystyń bilim úzdikterin marapattaý rásimi ótti. Konferensııa jumysy dóńgelek ústelmen, she­berlik synyptarmen jáne trenıng­termen jalǵasty. Munda oqýshy­lardyń fýnksıonaldyq saýat­ty­lyǵyn qalyptastyrý men damy­týǵa baǵyttalǵan bilim úrdisin uıym­dastyrý qaǵıdattaryn jáne zama­naýı bilim tehnologııalaryn tal­qylaýǵa erekshe nazar aýdaryldy. Sonymen, alqaly jıynǵa qatysý­shylar úlken senim arqalap qaıtty. Laýra ISKAKOVA, «О́rleý» BAUO» AQ Ońtústik Qazaqstan oblysy boıynsha fılıalynyń dırektory.