Qazaqstan Respýblıkasy Úkimetiniń qaýlysy № 581

2014 jylǵy 30 mamyr,  Astana, Úkimet Úıi «Jekelegen negizder boıynsha memleket menshigine aınaldyrylǵan (aınaldyrylýy tıis) múlikti esepke alýdyń, saqtaýdyń, baǵalaýdyń jáne odan ári paıdalanýdyń keıbir máseleleri» týraly Qazaqstan Respýblıkasy Úkimetiniń 2002 jylǵy 26 shildedegi № 833 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Jekelegen negizder boıynsha memleket menshigine aınaldyrylǵan (aınaldyrylýy tıis) múlikti esepke alýdyń, saqtaýdyń, baǵalaýdyń jáne odan ári paıdalanýdyń keıbir máseleleri» týraly Qazaqstan Respýblıkasy Úkimetiniń 2002 jylǵy 26 shildedegi № 833 qaýlysyna (Qazaqstan Respýblıkasynyń PÚAJ-y, 2002 j., № 25, 260-qujat) mynadaı ózgerister men tolyqtyrýlar engizilsin: 1) kirispe mynadaı redaksııada jazylsyn: «1994 jylǵy 27 jeltoqsandaǵy Qazaqstan Respýblıkasynyń Azamattyq kodeksine (jalpy bólim), 1999 jylǵy 1 shildedegi Qazaqstan Respýblıkasynyń Azamattyq kodeksine (erekshe bólim), 1997 jylǵy 13 jeltoqsandaǵy Qazaqstan Respýblıkasynyń Qylmystyq-atqarý kodeksine, 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi), Qazaqstan Respýblıkasynyń «Atqarýshylyq is júrgizý jáne sot oryndaýshylarynyń mártebesi týraly» 2010 jylǵy 2 sáýirdegi, «Notarıat týraly» 1997 jylǵy 14 shildedegi, «Etıl spırti men alkogol óniminiń óndirilýin jáne aınalymyn memlekettik retteý týraly» 1999 jylǵy 16 shildedegi jáne «Memlekettik múlik týraly» 2011 jylǵy 1 naýryzdaǵy zańdaryna sáıkes Qazaqstan Respýblıkasynyń Úkimeti qaýly etedi:»; 2) 2-tarmaq mynadaı redaksııada jazylsyn: «2. Qazaqstan Respýblıkasy Ádilet mınıstrligi Sot aktilerin oryndaý komıteti jáne onyń aýmaqtyq organdary jekelegen negizder boıynsha respýblıkalyq menshikke aınaldyrylǵan (aınaldyrylýy tıis) múlikti esepke alý, saqtaý, baǵalaý jáne odan ári paıdalaný jónindegi jumystardy uıymdastyrý boıynsha ýákiletti organ bolyp belgilensin.»; 3) kórsetilgen qaýlymen bekitilgen Jekelegen negizder boıynsha memleket menshigine aınaldy­rylǵan (aınaldyrylýy tıis) múlikti esepke alý, saqtaý, baǵalaý jáne odan ári paıdalaný erejesi: mynadaı mazmundaǵy 33-1, 33-2, 33-3 jáne 33-4-tarmaqtarmen tolyqtyrylsyn: «33-1. Ekonomıkalyq oryndy bolsa jáne memlekettik menshikke qabyldanǵannan keıin nysanaly paıdalaný múmkindigi bolsa, múlik memlekettik menshikke óteýsiz qabyldanady. 33-2. Múlikti memlekettik menshikke óteýsiz berý kezinde ekonomıkalyq oryndylyǵynyń jáne ony nysanaly paıdalaný múmkindiginiń negizgi krıterııleri: 1) Qazaqstan Respýblıkasynyń zańnamasynda kózdelgen múliktiń tıesiliginiń belgilengen normatıvteri men lımıtteri (avtokólik quraldary men jyljymaıtyn múlik úshin) sheginde memlekettik organdardaǵy beriletin múlikke qajettilikti aıqyndaý; 2) múlikti nysanaly paıdalaný múmkindigin aıqyndaý jáne memlekettik organdarda óndiristik qajettiliktiń bolýy; 3) beriletin múliktiń qarjylyq qamtamasyz etilýi, sondaı-aq qabyldanatyn múlikti ustaý jáne paıdalaný boıynsha qarjylyq shyǵyndar bolyp tabylady. 33-3. Múlikti respýblıkalyq memlekettik menshikke óteýsiz berý mynadaı tártippen júzege asyrylady: 1) ýákiletti organnyń aýmaqtyq organy quqyq belgileıtin qujattar (budan ári - quqyq belgileıtin qujattar) men múliktiń qunyn rastaıtyn málimetterdi qosa bere otyryp, múlikti respýblıkalyq menshikke óteýsiz berý týraly usynyspen ýákiletti organǵa júginedi; 2) ýákiletti organ quqyq belgileıtin qujattardy qosa bere otyryp, múlikti respýblıkalyq memlekettik menshikke óteýsiz berý týraly usynyspen memlekettik múlik jónindegi ýákiletti organǵa júginedi; 3) memlekettik múlik jónindegi ýákiletti organ ýákiletti organnyń ótinishin alǵan kúnnen bastap kúntizbelik jeti kún ishinde ortalyq atqarýshy organdarǵa, Qazaqstan Respýblıkasynyń Prezıdentine tikeleı baǵynatyn jáne esep beretin ortalyq memlekettik organdarǵa (budan ári - ortalyq memlekettik organdar) múlikti respýblıkalyq memlekettik menshikke óteýsiz berý týraly qolda bar usynys jóninde habarlaıdy; 4) ortalyq memlekettik organdar tıisti usynysty alǵan kúnnen bastap kúntizbelik otyz kún ishinde múlikti respýblıkalyq memlekettik menshikke óteýsiz berý qajettiligi (qajettiliginiń joq ekeni) týraly qorytyndylardy memlekettik múlik jónindegi ýákiletti organǵa jiberedi; 5) ortalyq memlekettik organnyń qorytyndysynda kórsetilgen múlikti bekitý boljamdalǵan memlekettik mekeme nemese memlekettik kásiporyn (budan ári - memlekettik zańdy tulǵa) kórsetilýi tıis; 6) ortalyq memlekettik organdar múlikti respýblıkalyq memlekettik menshikke qabyldaý qajettiligi týraly qorytyndy bergen jáne atalǵan qorytyndylar osy Erejeniń 33-2-tarmaǵynda belgilengen krıterıılerge sáıkes kelgen jaǵdaıda, múlikti respýblıkalyq memlekettik menshikke óteýsiz berý týraly sheshimdi memlekettik múlik jónindegi ýákiletti organ qabyldaıdy. Eki nemese odan da kóp memlekettik organ bir mezgilde múlikti respýblıkalyq memlekettik menshikke qabyldaý qajettiligi týraly qorytyndy bergen kezde óz qorytyndysyn buryn bergen memlekettik organdar basymdyqqa ıe bolady. Múlikti respýblıkalyq memlekettik menshikke óteýsiz berý týraly sheshim qabyldanǵannan keıin kúntizbelik 30 kúnnen aspaıtyn merzimde qabyldaý-berý aktisi (tabystaý aktisi) resimdeledi, oǵan ýákiletti organnyń aýmaqtyq organy men memlekettik zańdy tulǵanyń ýákiletti laýazymdy adamdardy qol qoıady jáne memlekettik múlik jónindegi ýákiletti organnyń aýmaqtyq bólimsheleriniń basshylary bekitedi; 7) ortalyq memlekettik organdar múlikti respýblıkalyq memlekettik menshikke óteýsiz qabyldaý qajettiliginiń joq ekeni týraly qorytyndy bergen jaǵdaıda, memlekettik múlik jónindegi ýákiletti organ ýákiletti organǵa múlikti respýblıkalyq memlekettik menshikke óteýsiz qabyldaýdan bas tartýdy jazbasha túrde joldaıdy. 33-4. Múlikti kommýnaldyq memlekettik menshikke óteýsiz berý mynadaı tártippen júzege asyrylady: 1) kommýnaldyq menshikti basqarýǵa ýákiletti organ kommýnaldyq memlekettik kásiporyndarǵa jáne kommýnaldyq memlekettik mekemelerge (budan ári - kommýnaldyq zańdy tulǵa) múlikti kommýnaldyq menshikke óteýsiz berý múmkindigi týraly habarlaıdy; 2) kommýnaldyq zańdy tulǵa tıisti usynysty alǵan kúnnen bastap kúntizbelik otyz kún ishinde kommýnaldyq menshikti basqarýǵa ýákiletti organǵa múlikti kommýnaldyq menshikke óteýsiz berý qajettiligi (qajettiginiń joq ekeni) týraly qorytyndy jiberedi; 3) kommýnaldyq zańdy tulǵalar múlikti kommýnaldyq memlekettik menshikke qabyldaý qajettiligi týraly qorytyndy bergen jáne atalǵan qorytyndylar osy Erejeniń 33-2-tarmaǵynda belgilengen krıterıılerge sáıkes kelgen jaǵdaıda, kommýnaldyq menshikti basqarýǵa ýákiletti organ múlikti kommýnaldyq memlekettik menshikke óteýsiz berý týraly sheshim qabyldaıdy. Eki nemese odan da kóp kommýnaldyq zańdy tulǵa bir mezgilde múlikti kommýnaldyq memlekettik menshikke qabyldaý qajettiligi týraly qorytyndy bergen kezde óz qorytyndysyn buryn bergen tulǵalar basymdyqqa ıe bolady. Múlikti kommýnaldyq menshikke óteýsiz berý týraly qaýly shyqqannan keıin kúntizbelik 30 kúnnen aspaıtyn merzimde múliktiń ornalasqan jeri boıynsha kommýnaldyq menshikti basqarýǵa ýákiletti organ men kommýnaldyq zańdy tulǵanyń arasynda múlikti qabyldaý-berý aktisi (tabystaý aktisi) resimdeledi.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K. MÁSIMOV.