Keıingi jyldary otandyq ǵylymǵa erekshe kóńil bóline bastady. Sonyń bir dáleli retinde osymen ekinshi márte ótip otyrǵan «Úzdik ǵylymı qyzmetker» baıqaýyn aıtýǵa bolady.
Taıaýda Ǵylym jáne joǵary bilim mınıstri Saıasat Nurbek 2022 jylǵy osy baıqaýdyń jeńimpazdaryn marapattady. Solardyń ishinde ǵylym jolynda jańasha izdenispen eńbek etip júrgen L.N.Gýmılev atyndaǵy Eýrazııa ulttyq ýnıversıtetiniń bir top ǵalymy úzdikter qatarynan kórindi.
Bul baıqaýǵa elordadaǵy biregeı oqý ornynan qatysyp, top jarǵan ǵalymdardyń osaly joq. Bári de ǵylymda moıyndalyp, eńbekterimen elge málim azamattar. Esimderin de aıtaıyq. Sonymen «Jaratylystaný ǵylymdary» baǵyty boıynsha Rysqul Oınarov, Elbek О́tepov, Qasym Jumadilov sekildi ǵalymdardyń mereıi ústem bolsa, «Tehnıka men tehnologııadan» – Alma Dáýletbekova, «Gýmanıtarlyq ǵylymdar jáne ónerden» – Janat Aımuhambet, «Qoǵamdyq ǵylymdardan» – Janarys Raıymbekov pen Ǵaını Dilimbetovanyń juldyzy jandy.
Aıta keteıik, atalǵan baıqaýda baq synaýǵa jeti baǵyt boıynsha 468 ótinim túsken. О́tinimder konkýrsqa arnaıy ázirlenip, toǵyz ólshemmen upaılardy avtomatty túrde sanaıtyn aqparattyq júıe arqyly qabyldandy. Nátıjesinde, otandyq ǵylymı-zertteý ınstıtýttary men joǵary oqý oryndarynyń 50 ǵalymy jeńiske jetti. Jeńimpazdardyń bári qomaqty qarjylaı syılyqpen marapattaldy.
Eldiń úsh óńirinde úsik júredi
Aýa raıy • Búgin, 09:06
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Uqsas jańalyqtar
