Batys Avstralııadaǵy Fısdjerald Rıver ulttyq saıabaǵynda Coulson Group kompanııasyna tıesili Boeing 737 Fireliner ushaǵy apatqa ushyrady, dep habarlaıdy Egemen.kz.
Oqıǵa túngi ýaqytta ushaq orman órtin sóndirý úshin kóterilgen sátte bolǵan.
Apat kezinde ushaq bortynda eki ushqysh bolǵan. Jergilikti jedel járdem qyzmeti ókiliniń aıtýynsha, olar aýyr jaraqat almaǵan.
Burynǵy ushqysh jáne avıasııa sarapshysy Kıt Tonkın ushaq apatyn «erekshe oqıǵa» dep atady. Ol mundaı jaǵdaıdyń óte sırek bolatynyn aıtqan.
«Bul orman órtimen kúresý kezinde qulaǵan Coulson Group kompanııasynyń alǵashqy ushaǵy emes. Bir-eki jyl buryn Jańa Ońtústik Ýelste sol kompanııanyń Hercules ushaǵy apatqa ushyraǵan. Biraq Boeing 737 Fireliner ushaǵy ádette Avstralııada órt sóndirý úshin paıdalanylmaıdy. Elde bolǵanyna bir-eki jyl boldy jáne eshbir oqıǵasyz sátti jumys istep kelgen edi. Sonysymen de bul óte erekshe jaǵdaıǵa teńelip otyr», dedi Kıt Tonkın.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
