«AMANAT» partııasy Qazaqstan Respýblıkasy Ortalyq saılaý komıssııasyna qujattaryn tapsyrdy, dep habarlaıdy Egemen.kz.
«Búgin «AMANAT» partııasy Ortalyq saılaý komıssııasyna partııalyq tizimdi tapsyrdy. Respýblıka boıynsha barlyq deńgeıdegi máslıhattarǵa ótinish berdik, 3821 adam máslıhat depýtattyǵyna kandıdat boldy. Sondaı-aq Qazaqstan Respýblıkasy Parlamenti Májilisiniń depýtattyǵyna 119 kandıdatty usyndyq. Partııalyq tizimde kvota zańdy túrde saqtalǵan: 30%-dan astamy – áıelder, jastar, sondaı-aq múmkindigi shekteýli jandar. Saılaý adal ári ádil ótedi dep oılaımyz», dedi «AMANAT» partııasynyń jaýapty hatshysy Elnur Beısenbaev.
Bir kún buryn «AMANAT» partııasy kezekten tys sezinde Qazaqstan Respýblıkasy Parlamenti Májilisiniń depýtattyǵyna kandıdattardyń tizimin bekitti.
Saıası keńes bıýrosynyń sheshimimen partııalyq tizim boıynsha 90 adam, bir mandatty okrýgterden 29 adam usynyldy.
Aldaǵy Parlament Májilisiniń saılaýyna qatysýǵa barlyǵy 119 kandıdat maquldandy.
Qazaqstanda Májilis depýtattarynyń saılaýy 19 naýryzda ótedi. Dál osy kúnge máslıhat depýtattaryn saılaý belgilengen.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
