Fýtbol. Álem chempıonaty: Avstralııa – Gollandııa 2:3

ASTANA. 18 maýsym. Búgin 19 maýsymǵa qaraǵan túni V tobyndaǵy komandalar da ekinshi týrdyń oıyndaryna kiristi. Onda Avstralııa jáne Gollandııa quramalary kezdesti. Kezdesý 3:2 esebimen «Qyzǵaldaqtar eli» fýtbolshylarynyń paıdasyna sheshildi. Bul týraly egeven.kz habarlady. Avstralııa – Gollandııa 2:3 (1:1). 18 maýsym. Portý-Alegrı. «Beıra-Rıo» stadıony. 42 877 kórermen.   Tóreshi - Djamel Haımýdı (Aljır). Avstralııa: Mettıý Raıan, Raıan Makgovan, Aleks Ýılkınson, Mettıý Shpıranovıch, Djeıson Devıdson, Mıle Edınak, Mett Makkeı, Mettıý Lekı, Mark Breshıano (Olıver Bozanıch, 51), Tommı Oýr (Adam Taggart, 77), Tım Kehıll (Ben Helloran, 69). Gollandııa: Iаsper Sılessen, Derıl Iаnmat, Stefan de Vreı, Ron Vlaar, Brýno Martıns (Memfıs Depaı, 45+3), Deılı Blınd, Naıdjel de Iong, Ýeslı Sneıder, Djonatan de Gýzman (Djordjıno Veınaldým, 78), Aren Robben, Robın van Persı (Djermeın Lens, 87). Goldar: Aren Robben (20), Tım Kehıll (21), Mıle Edınak (54, penaltı),  Robın van Persı (58), Memfıs Depaı (68). Eskertýler: Tım Kehıll (43) – Robın van Persı (47). Búgin Gollandııa quramasy Brazılııa chempıonatyndaǵy qatarynan ekinshi jeńisine jetti. Ol óziniń birinshi oıynynda álem chempıony – Ispanııa komandasyn 5:1 etip tas-talqan etip utyp, aıdy aspannan shyǵarǵan bolsa, Avstralııa jasaǵymen ótken ekinshi matchynda ózi jeńilip, taǵy bir sensasııaǵa urynyp qala jazdady. Mundaǵy jeńis oǵan qıynyraq soqty. Rasynda da birinshi taımnyń orta tusynda esep ashqan van Gaaldyń jigitteri artynsha ózderine jaýap dop ótkizip aldy. Osy esep taım sońyna deıin berdi. Gollandııalyqtar ekinshi taımǵa taktıkalyq shemasyn ózgertip oınady. Olardyń úırenshikti 4-3-3 júıesi túptiń túbinde tıisti nátıje de ákeldi. Ras, basynda penaltıden gol salǵan avstralııalyqtar alǵa shyqty. Al aıyp doby qaptaldan Bozanıch tastaǵan dopty Iаnmat qolymen ustap alýyna baılanysty belgilendi. Ony Mıle Edınak qatty uryp túsirdi. Osy kezde kezekti sensasııa týýy múmkin ekeni týraly sóz qozǵaldy. Alaıda, bul dúrbeleńdi Gollandııa oıynshylary tez basa bildi. Arada bar-joǵy 4 mınýt ótkende, Van Persı ofsaıd sheginde turǵan sátinde qaqpaǵa kókteı ótip, gol saldy – 2:2! Osydan keıin qarsylastar birshama ýaqyt jaıbaraqat qalypqa kóshti. Al favorıt sanalǵan gollandııalyqtar pálendeı artyqshylyq kórsetken joq. Onymen teketireske túsken Avstralııa fýtbolshylary oǵan barynsha laıyqty kórindi. Kenet oıyn qaıtadan qyzyp júre berdi. Ony 66-mınýtta avstralııalyqtar kóterdi. Sol sátte De Vreı óz qaqpasy mańynda doptan aırylyp qaldy. Ony ilip ala ketken Oýr qaqpaǵa uryp jatpady, ony alys buryshqa jóneltti. Sol jerde ony torǵa eshkim baǵyttaı almady. Aral-memleket quramasynyń bul ashyq-shashyqtyǵyn gollandııalyqtar keshirmedi. Qarsy shabýylǵa shyqqan olar qolaıly sátte taǵy bir gol salyp, esepti 3:2-ge jetkizdi. Damır Qojamqul. Derekkóz: Chempıonat.Rý. Foto: Sportbox.ru.