Atamyz – aıtýly ǵalym, aıaýly áke, ardaqty ata, asyl jar, aınalasyna nuryn shashqan aıryqsha qamqor adam. Dosqa kómektesý – onyń «Jedel járdem» qyzmeti sııaqty «ekinshi mamandyǵy». Esh adamǵa qyldaı aramdyǵy joq, túzý jaratylǵan jan. Dostyqtyń altyn arqaýyn úzip almaı, qasterleı qadirlep kele jatqan azamat. Mineziniń darqandyǵynan qyzmetinde de keremet syı-qurmetke ıe. Tabıǵatynan názik, jaqsy men jamannyń narqy men parqyn jaqsy ajyratatyn parasat ıesi.
«Ulylyq – qarapaıymdylyqta» degen óte durys uǵym eken Tekti áýlettiń týyn jasyna qaramaı kóterip kele jatqan jan – barlyq baýyrynyń arasyndaǵy týystyq qarym-qatynastyń uıytqysy. Men ózimdi onyń baqytqa bólengen nemereleriniń birimin dep sanaımyn. О́mirime nár bergen Tórebek atamnan keıingi adam – osy Jaqsybaı ata. О́mirge oı kózimen qaraǵan shaǵymda bilimi men kisiligi, alǵyrlyǵy men alymdylyǵy, paıymy men parasattylyǵy mol atama qarap óssem deımin.
Jaqsybaı atamen ár kezdesý – úlgi-ónege, aıtqan sózi – taǵylym. Qanyna bitken ultjandylyq qasıeti aıqyn kórinip, bilimpazdyǵy erekshe daralanyp turady.
Adam balasyn jaqsylyqqa jetkizetin jaqsy qasıetteri dep oılaımyn. Adamnyń ózin-ózi qurmetteýiniń basty qaǵıdasy ishki jáne syrtqy mádenıetti teń ustaý – atama tán qasıet. Atamnyń júzinen de, minez-qulqynan da erekshe tektilik baıqalady. Júris-turysy, kıim kıisi, asa talǵampazdyǵy – biz úshin «brend». Tórebek atamnyń joqtyǵyn bildirmeı, ájemniń 70 jasqa kelgen mereıtoıyn Almatyǵa ózin shaqyryp toılap berýi ekiniń biriniń qolynan kelmeıtin márttik dep oılaımyn. Meniń atam osyndaı. О́ne boıy toly óner. Dombyra ustasa, áýelete án salyp, kúmbirlete kúı shertedi.
«Kilemge bergisiz alasha bolady, hanǵa bergisiz qarasha bolady» degen sóz bar eken. Sol sóz meniń Jaqsybaı atama qarap aıtylǵandaı. Kisiden tek jaqsylyq izdep, jaqsy adamdardan ónege alǵan, jaqsylarmen aralasa ómir súrgen adam túbinde nurǵa bólenedi. Dúnıeniń máni – úzbeı jetilý, sáýleli satyǵa kóterilý. Kisiniń ala jibin attamaı ómir súrý, joq pen bardyń ara salmaǵyn bezbendep qanaǵatshyl bolý, sypaıy salmaqty, kisiniń kóńilin qaldyrmaı, dos-jaranmen kishipeıil qarym-qatynasta tirlik keshý – atamnyń maǵynaly ǵumyr jasyndaǵy basty baılamy. Nemerelerin de osy qaǵıdaǵa úıretip, jaqsylyqqa baýlyp keledi.
Ardaqty ata! Alyp báıterekteı qut-bereke uıytqysy bolyp, ornyńyz qurmetti tórden túspesin! О́zińdi túsinetin, úlken tulǵa bolýyńdy ómir boıy qoldap kele jatqan jan jaryń aman júrsin! Mereıli jasyńmen shyn júrekten quttyqtaımyn!
Urpaǵyńnyń baqytyn, qýanyshyn uzaq kórýdi Alla Taǵala násip etsin!
Tabıǵat darytqan barlyq qasıetińmen jarqyrap ómir keship, ǵumyryń uzaq bolsyn, ata!
Nemereńiz
Jaýhaz TО́REBEK
