Bul aqparat búgin áleýmettik jelilerde paıda boldy. Onda 9-synyp oqýshysynyń mektepke balta men pyshaq ákelip, ájethanada betperde kıip, dálizge shyǵyp, úsh oqýshyny jaraqattaǵany aıtylǵan.
О́kinishke qaraı eki bala basy men bileginen pyshaq jaraqatyn alyp balalar aýrýhanasynda jatyr, úshinshi balaǵa sol jerde medısınalyq kómek kórsetilgen. Zardap shekken balalar 10 jáne 9-synypta oqıdy.
Soltústik Qazaqstan oblysynyń prokýratýrasy men oblystyq polısııa departamenti oqıǵany rastap, zardap shekkenderdiń barlyǵy oblystyq balalar aýrýhanasyna jetkizilgenin jáne olar esin jınaǵandaryn aıtty.
«Polısııa qyzmetkerleri kámeletke tolmaǵan D.-ny ustady, bul fakt boıynsha Qylmystyq kodekstiń 24-baby 3-bóligi - 99-baby 2-bóligi 1, 14-tarmaǵy «Adam óltirýge oqtalý» boıynsha sotaldy tergeý bastaldy. Aldyn ala málimet boıynsha, kámeletke tolmaǵan D. psıhıatrııalyq baqylaýǵa alynǵan. Kámeletke tolmaǵan bala men mektep ákimshiliginiń áreketine sotaldy tergep-tekserý aıasynda quqyqtyq baǵa beriledi. Qalǵan mán-jaı anyqtalyp jatyr», delingen habarlamada.
