60 aýyl ınternetke qosylady

Budan bólek mınıstr Taldy­saı aýylyndaǵy shaǵyn jınaqtal­ǵan mektepte bolyp, munda jú­ze­ge asyrylyp jatqan Bilim-all biregeı jobasymen tanysty. Jo­­ba­nyń máni – shaǵyn jınaqty mektepterde bilim berý sapasyn arttyrý. Máselen, buryn osy mektepte bir muǵalim 5 pánnen sabaq bergen kezder de bolypty. Bul bilim sapasyna tikeleı áserin tıgizetini aıtpasa da túsinikti. En­di atalǵan jobanyń nátıjesinde oqýshylar arnaıy tańdalǵan pán­derden keıbir sabaqtarǵa onlaın rejimde qatysa alady. Bul aýyl muǵalimderi jumyssyz qalady degen sóz emes. Olar óz pánderin oqytýdy jalǵastyra beredi. Sony­men qatar jobany júzege asy­rýǵa kómektesip, tálimger qyz­metin atqarady.

– Bul óte mańyzdy ári erekshe joba. Biz ony masshtabtaý úshin joǵary sapaly ınternet qajet ekenin túsinip otyrmyz jáne bul máseleni múmkindiginshe tezirek sheshýge bar kúshimizdi salamyz. Búginde ınternet sý, jaryq, gaz sııaqty qajettilikterdiń qatary­na qosyldy. Aqtóbe oblysynyń bıligimen birlese otyryp, ár aýylǵa ınternet taratý jolyn qarastyryp jatyrmyz, – deıdi Baǵdat Mýsın.

Sapar barysynda Sıfrlyq damý mınıstrine aýyldaǵy feld­sherlik-akýsherlik pýnktterdi jań­ǵyrtý jobasy kórsetildi. Ja­qynda aýyl feldsherlerine onlaın dıagnostıka úshin ınnova­sııalyq medısınalyq qural-jab­dyqtarmen jabdyqtalǵan arnaıy rıýkzaktar berilgen. Barlyq derek tikeleı oblys ortalyǵyna be­rilip, bilikti mamandandyrylǵan dárigerler naýqastyń jaǵdaıyn onlaın kórip, odan ári emdeý tá­silderi týraly sheshim qabyl­daýǵa múmkindik aldy.

Bıyl Aqtóbe oblysynda 60 eldi mekendi ınternet jelisine qosý josparlanyp otyr. Bul óńir­de 315 aýyldyq eldi mekenniń 213-i keń jolaqty baılanyspen qamtamasyz etilgen.

– Osy jyldyń negizgi baǵyty – óńirlerdi tehnologııalyq tur­ǵy­dan damytý. О́tken jyldyń so­ńynda mınıstrlik Samsung kom­pa­nııasymen birlesip Samsung Innovation Campus baǵdarlamalaý mektebin ashty jáne odan ári IT-salada adamı kapıtaldy damytý boıynsha jumysty jalǵastyrýda. Bıyl Astana Hub-pen birlesip jergilikti IT-habty ashýdy jáne Aqtóbe oblysynyń turǵyndary úshin TechOrda baǵdarlamasy aıasynda IT-salasynda tegin bilim alýǵa múmkindik beretin jańa baǵdarlamalaý mektepterin ashý boıynsha jumystar josparlanǵan, – deıdi mınıstr.