Qutqarý brıgadasy Abdýl Mýsa kóshesiniń boıyndaǵy jeti qabatty turǵyn úıdiń úıindisi astynan jas jigitti tapqan. Olar segiz kúnnen astam ýaqyt qırandy astynda jatqan Chetındi birden aýrýhanaǵa jetkizgen.
Osyǵan uqsas oqıǵa 1992 jyly 13 naýryzda bolǵan edi. Ol kezde Túrkııanyń Erzındjan provınsııasynda jer silkinip, úıindi astynda 187 saǵat jatqan Nýrdjan Eraslan esimdi medbıke qutqarylǵan bolatyn.
Prezıdent Rejep Taıyp Erdoǵan tabıǵı apat qurbandaryn eske alý úshin Túrkııada jeti kúndik ulttyq aza tutý jarııalady. Túrkııanyń memlekettik týy búkil elde jartylaı túsirildi.
Joıqyn jer silkinisi kórshiles elderde, sonyń ishinde Sırııa, Lıvan, Soltústik Kıprdiń Túrik Respýblıkasy, Grekııa Kıprinde jáne Irakta da sezildi.
Aıta keteıik, 6 aqpanda epısentri Túrkııanyń Kahramanmarash qalasynda bolǵan joıqyn jer silkinisinen qaza tapqandar sany búginde 31,6 myńnan asty.
