Eldiń ońtústigindegi joıqyn jer silkinisinen 35 418 adam qaıtys bolǵan. Bul týraly prezıdent Rejep Taıyp Erdoǵan mınıstrler kabınetiniń otyrysy qorytyndysynda beıneúndeý arqyly málimdedi.
Jınalys Ankaradaǵy túrik TJ saldaryn joıý basqarmasynyń (AFAD) shtab-páterinde ótti.
Memleket basshysynyń aıtýynsha, qazirgi tańda zilzaladan jaralanǵan 13 208 adam aýrýhanalarda emdelip jatyr. Apat aımaǵynda izdeý-qutqarý jumystaryna 250 myń memlekettik qyzmetker jumyldyrylǵan. Prezıdent jer silkingen aýdandardaǵy izdeý-qutqarý jumystary úıindi astyndaǵy tiri adamdardy qutqarǵansha jalǵasatynyn aıtty.
Sondaı-aq memleket basshysy kelesi aıdan bastap Túrkııa bıligi jer silkinisinen zardap shekkender úshin 30 myń úıdiń qurylysyna kirisetinin jetkizdi. Qazirgi sátte apattan zardap shekken 1,6 mln adamnyń baspanaǵa muqtajdyǵy qanaǵattandyrylǵan.
«Jer silkinisi aımaǵynda 175 myńnan astam shatyr, konteınerlik tıptegi 5,4 myń úı ornatyldy», dedi Túrkııa prezıdenti.
