Zańdy Saýda jáne ıntegrasııa mınıstri Serik Jumanǵarın tanystyrdy.
Onyń aıtýynsha, zań jobasy Eýrazııalyq ekonomıkalyq odaq týraly sharttyń 55-babyn iske asyrý úshin ázirlengen jáne múshe memleketterdiń úshinshi eldermen Eýrazııalyq ekonomıkalyq Odaqtyń tehnıkalyq reglamentterin tehnıkalyq retteý obektisi bolyp tabylatyn ónimdermen ózara saýdasyndaǵy tehnıkalyq kedergilerdi joıý tártibi men sharttaryn aıqyndaıdy.
Mınıstr búgingi tańda 52 tehnıkalyq reglament qabyldanǵanyn, onyń 45-i kúshine engenin atap ótti.
«Kelisimdi qabyldaý Odaq pen úshinshi elder aýmaǵynda belgilengen mindetti talaptardyń salystyrmalylyǵyn anyqtaý negizinde sáıkestikti baǵalaý nátıjelerin ózara tanýǵa jaǵdaı jasaıdy», dedi Serik Jumanǵarın.
Senattyń ekonomıkalyq saıasat, ınnovasııalyq damý jáne kásipkerlik komıteti usynǵan qorytyndyda kelisimge sáıkes Odaqtyń osyndaı eldermen halyqaralyq sharttar jasasýy arqyly júzege asyratyn úshinshi eldermen ózara saýdadaǵy tehnıkalyq kedergilerdi joıý kózdeletini jazylǵan.
Senator Lázzat Rysbekova kelisim EAEO-ǵa múshe memleketter men úshinshi elder men negizgi ıntegrasııalyq birlestikter arasynda múddeler teńgerimin saqtaı otyryp, saýdadaǵy tehnıkalyq kedergilerdi ózara joıýdyń damyǵan tetikteri men sharttarynyń bolýy arqyly ózara tıimdi yntymaqtastyqty qurýǵa kómektesetinine senimdi.
