Prezıdent Is Basqarmasyna qarasty «Býrabaı-Damý» JShS, «Býrabaı» ulttyq parki, «Ekstremaldy Atletıka» qoǵamdyq birlestigi jáne «Rebel Running» JK birlesip arqanyń qatal qysyna, yzǵarly jeline jəne krıstal muzyna qarsy turatyndarǵa osyndaı erekshe synaq daıyndap otyr.
Jarys birneshe qashyqtyqta ótedi: 7 km, 14 km jəne 21,1 km júgirý nemese 7 km skandınavııalyq júris.
Saıysqa qatysýǵa 200-den astam sportshy tirkeldi. Olardyń arasynda AQSh, Kanada, Afrıka, Eýropa elderiniń, О́zbekstan, Qyrǵyzstan, Mońǵolııa sportshylary, sondaı-aq Qazaqstannyń barlyq oblystarynyń sportshylary bar. Tirkeý áli jalǵasyp jatyr.
«Qys mezgilinde kóldiń muzaıdynynda buqaralyq sport jarysyn ótkizý elimizde buryn-sońdy bolyp kórgen emes. Biz alǵash ret qolǵa alyp otyrmyz. Tabıǵaty ásem Býrabaı óńirinde, aty ańyzǵa aınalǵan Jumbaqtastyń janyndaǵy ekstremaldy saıys óte qyzyqty ótedi degen senimimiz mol. Árıne áýesqoı sportshylar úshin bul synaq ońaıǵa túspeıdi. Degenmen osyndaı synaq adamnyń erik-jigerin shyńdaýǵa da kómektesedi. «Býrabaı-Damý» seriktestiginiń maqsaty – osyndaı is-sharalar arqyly óńirdiń ásem tabıǵatyn jurtshylyqqa nasıhattaı otyryp týrısterdiń qyzyǵýshylyǵyn arttyrý, sondaı-aq salaýatty ómir saltyn nasıhattaý. Bizdiń kompanııanyń qurylǵanyna bıyl 8 jyl tolady, sol sebepti bıyl osyndaı is-sharalar kóbirek ótkiziletin bolady», dedi «Býrabaı-Damý»JShS bas dırektorynyń orynbasary Qasymjan Kenjeshov.
Bul jarysqa kez kelgen jastaǵy sportshylar men jastar qatysa alatynyn aıta keteıik. Márege jetken sportshylardyń qaı-qaısysy da júldesiz qalmaı, barlyǵy marapattalady.
Sportshylar jarys jolyna 19 aqpan kúni saǵat 10:00-de máreden attanady.
