Onyń aıtýynsha, Qazaqstan aýdandarynyń 80%-ynda órtke qarsy qorǵanys jasalmaǵan, óıtkeni olarda órt depolary joq.
«Máselen, Qyzylorda oblysy, 2018 – 2022 jyldary aralyǵynda Aral aýdanynyń Sekseýil aýylynda 8 úı, al ótken jyly tipti 2 úı tutastaı órtenip ketken. Bul aımaqtyń 12 myńǵa jýyq turǵyny bolsa da eń jaqyn jerdegi órt sóndirý deposy shamamen 70-80 km qashyqtyqta Aral qalasynda ornalasqan. Alaıda, tehnıkalyq reglamentke sáıkes qalalyq jerde órt sóndirý deposy radıýsy 3 km qashyqtyqta ornalasýy qajet. Sondaı-aq qalalyq jerde órt paıda bolǵan jaǵdaıda, órt sóndirý brıgadasy órtke aınalǵan aımaqqa 10 mınýtta, al aýyldyq jerde 20 mınýtta jetý kerek», dedi senator.
Senator tıisti qujattarda órt sóndirý bólimin salý úshin aýyldyq jerlerde turatyn adamdardyń qajetti sany jazylmaǵanyn, sondaı-aq jańa órt sóndirý bólimin salý úshin aýyldyq okrýgter arasyndaǵy qashyqtyq anyqtalmaǵanyn atap ótti.
«Bizdiń oıymyzsha, tehnıkalyq reglamentte osyndaı naqtylyq bolmaǵandyqtan kóptegen aýyldyq jerlerge órt sóndirý depolaryn salýǵa úlken tosqaýyl qoıylyp otyr. Sondyqtan da elimizdiń aýyldyq eldi-mekenderinde osy máseleni sheshý úshin tıisti túzetýler engizý qajet. Naqtyraq aıtatyn bolsaq, jańadan órt sóndirý depolaryn salý úshin, aýyldyq okrýgtaǵy qajetti turǵyndar sany, aýyldyq okrýgtar arasyndaǵy araqashyqtyq naqtylanýy tıis», dedi senator Gennadıı Shıpovskıh.
