О́tken jyldyń qyrkúıek aıynda «ArselorMıttal Temirtaý» AQ jáne «Temirtaý qalasynyń ortalyq aýrýhanasy» KMK memorandýmǵa qol qoıǵan. Memorandýmnyń basty maqsaty – Temirtaý qalasynyń turǵyndaryna medısınalyq kómektiń sapasyn jaqsartý. Osy kelisim aıasynda «ArselorMıttal Temirtaý» AQ shahardaǵy ortalyq aýrýhana úshin kúıik bólimshesine arnalǵan zamanaýı jabdyqtardy satyp aldy. Jergilikti dárigerlerdiń arsenalynda mobıldi rentgen apparaty men jańa «Jedel járdem» kóligi paıda boldy.
«200 mıllıon teńgeden astam somaǵa jabdyq satyp alyndy. Olar – kúıikke qarsy eki japondyq tósek, «Jedel járdem» kóligi, ottegi gazıfıkatory jáne jyljymaly rentgen apparaty. Búgingi kúni memorandým boıynsha qabyldanǵan mindettemelerdiń bári oryndaldy. Endi kúıik bólimshesiniń pasıentteri shuǵyl kómekti sapaly ári qolaıly jaǵdaıda ala alady», deıdi «Temirtaý qalasynyń ortalyq aýrýhanasy» KMK dırektory Samat Kenjebaev.
Qalanyń ortalyq aýrýhanasynyń dárigerleri biraýyzdan jańa jabdyqtardy densaýlyq saqtaý isine qosylǵan baǵa jetpes úles dep sanap, bul aýyr jaraqattary bar naýqastarǵa shuǵyl kómekti jaqsartýǵa múmkindik beretinin aıtyp otyr. Kúıikke qarsy tósek pasıentke denesiniń salmaǵyn sezdirmeıdi, ıaǵnı arqa jaǵynda úlken kúıigi bar adam salmaqsyzdyq jaǵdaıynda áýede qalyqtap júrgendeı bolady, denesiniń salmaǵy jaraǵa kúsh túsirmeıdi. Bul emdelýshiniń aýyrsynýyn azaıtyp, emdeý kýrsy jaıly da nátıjeli bolýyna múmkindik beredi. Buǵan qosa, naýqastyń denesine qysym qan aınalymyn qıyndatpaıtyndaı etip bólinedi. Al mıkrosferalar arqyly ótetin aýa avtomatty túrde qajetti temperatýraǵa deıin qyzyp, terini keptirip, bakterııalardyń kóbeıýine jol bermeıdi.
Kereýetter jasalǵan materıal juqpaly aýrýlar qaýpin azaıtady. Sondaı-aq mundaı kereýetter uzaq emdeý kýrstaryna jáne ózdiginen qozǵala almaıtyn naýqastarǵa qajet. О́ıtkeni olar teriniń oıylýyn boldyrmaıdy. Tósek teriniń tereń daǵy, myljalanýy jáne úsik shalýy sııaqty jaraqattaryn jazý úderisin tezdetedi. Taǵy bir mańyzdy jańalyq – bólimsheni ortalyqtandyrylǵan ottegimen qamtamasyz etý. Bul burynǵy ballon júıesin joıyp, qaýipsiz de úzdiksiz jumys isteýge múmkindik týǵyzyp otyr. Buǵan qosa, jyljymaly rentgen apparaty satyp alyndy. Ol tasymaldaýǵa bolmaıtyn, ottegige táýeldi, ózdiginen qozǵala almaıtyn pasıentterdi nemese jaǵdaıy aýyr naýqastardy dıagnostıkalaý úshin qajet. Apparat zamanaýı sıfrlyq júıede jumys isteıdi: sýreti bar faıldy dereý álemniń kez kelgen jerine – emdeýshi dárigerdiń uıaly telefonyna nemese basqa qaladaǵy medısınalyq mamandardyń konsılıýmyna jiberýge bolady,
«Rentgen apparaty keremet, mobıldi, osyndaı apparatýranyń kómegimen biz jyldam ári dál dıagnostıka jasap, pasıentterimizge ómir syılaımyz. Osyndaı apparat úshin, osyndaı syılyq úshin «ArselorMıttal Temirtaýǵa» rahmet!», deıdi ortalyq aýrýhana dárigerleri.
Dárigerler endi naýqastardy aýrýhanaǵa reanımasııalyq júıemen jabdyqtalǵan «Jedel járdem» kóligimen jetkizedi. Dárigerler jańa tehnıka barlyq naýqasqa paıdaly bolatynyna senimdi.
- «ArselorMıttal Temirtaý» – áleýmettik-jaýapty kompanııa. Ol ózi jumys isteıtin óńirlerdegi turmys deńgeıin arttyrýǵa baǵyttalǵan jobalardy iske asyrýda. О́tken 2022 jyly áleýmettik ınvestısııalardyń somasy 52 mıllıard teńgeden asty. Biz áleýmettik baǵyttaǵy jumysty odan ári jalǵastyramyz. Biz osyndaı mańyzdy úles qosyp, Temirtaý turǵyndaryna sapaly medısınalyq kómek kórsetiletin bolǵanyna, sondaı-aq jańa jabdyqtyń járdemimen aýrýlardy erte dıagnostıkalaýǵa múmkindik týǵanyna qýanyshtymyz», - deıdi «ArselorMıttal Temirtaý» AQ bas dırektory Vladımır Iаblonskıı.
