Keshen Astananyń shetinde, qala ortalyǵynan 15-20 mınýttyq jerde ornalasqan. Mundaı oryn óte yńǵaıly, bul jylqylardyń tynyshtyǵy úshin de mańyzdy jáne kelýshilerge de qolaıly bolý úshin qalanyń janynda ornalasqan.
Aýmaqta jylqylardy kútip ustaý úshin barlyq jaǵdaı jasalǵan úsh at qora bar.
«Arǵymaq» kesheni kez kelgen deńgeıde at sporty boıynsha jarystar ótkizýge múmkindik beredi. Sondaı-aq dene shynyqtyrý-saýyqtyrý is-sharalaryn uıymdastyrý jáne ótkizý boıynsha, onyń ishinde múmkindigi shekteýli kontıngent úshin ıppoterapııa ádisi boıynsha jaǵdaı qarastyrylǵan. Bir sózben aıtqanda, «Arǵymaq» kesheni Qazaqstandaǵy eń iri kópsalaly at sporty-saýyqtyrý kesheni bolyp sanalady», dep atap ótti Músipov.
Keshende úsh negizgi qurylym bar.
Birinshisi – negizgi jabyq manejdik alań, bıiktigi 12 metrge deıin, 600 oryny bar trıbýnalar (onyń ishinde súıemeldeýimen halyqtyń az qozǵalatyn toptary úshin 60 oryn), sýdıalyq aımaqtar. Sondaı-aq garderob pen kassalary bar vestıbıýl, 80 oryndyq ashana, kórermenderge arnalǵan jýynatyn bólmeler, jattyqtyrýshylar, personalǵa arnalǵan úı-jaılar, jabdyqtalǵan medısınalyq kabınet jáne dopıng-baqylaý úı-jaılary qarastyrylǵan.
Ekinshisi – 1232 adamǵa arnalǵan trıbýnasy bar 70h100m ashyq konkýrstyq alań (súıemeldeýimen halyqtyń mobıldiligi tómen toptary úshin 120 oryndy qosa alǵanda, birjaqty) sýdıalyq, VIP jáne baspasóz aımaǵy;
Úshinshisi – 100 jylqyǵa arnalǵan qoralar.
Keshen emdeý-ońaltý jumysyn (ıppoterapııa) júrgizýge arnalǵan, munda balalar men eresekterge atqa minýdi úıretedi, sporttyq, sporttyq-buqaralyq jáne oıyn-saýyq is-sharalaryn uıymdastyrady.
