IIM ókili atap ótkendeı, Qazaqstan qos azamattyqty moıyndamaıdy.
«О́tken jyly qos azamattyq alǵany úshin 841 adam ákimshilik jaýapkershilikke tartylsa, 138-i sot sheshimimen elden shyǵaryldy, qalǵandaryna aıyppul salyndy. Sońǵy bes jylda azamattyqqa qatysty zańnamany buzǵany úshin 3515 adam qylmystyq jaýapkershilikke tartyldy, onyń ishinde 3000 adamǵa aıyppul salyndy, 473-i elden shyǵaryldy. Barlyǵynan Qazaqstan azamattyǵy alynyp tastaldy», dedi Shuǵyla Turlybek.
Bıyl qos azamattyq faktileriniń aldyn alý maqsatynda basqa azamattyqty qasaqana jasyrý úshin jaýapkershilikti kúsheıtetin zańnamalyq aktilerge túzetýler engizý josparlanyp otyr.
Shuǵyla Turlybek elimizdiń azamattyǵynan aıyrylǵan adamnyń Qazaqstan azamatynyń tólqujatyn nemese jeke kýáligin paıdalanǵany, sondaı-aq zańda belgilengen merzimde habarlamaǵany úshin zańnamada ákimshilik jaýapkershilik qarastyrylǵanyn eske saldy.
Sondaı-aq qos azamattyq faktisin jasyrǵany úshin 200 AEK-ke deıin aıyppul salý nemese elden shyǵarý qarastyrylǵan.
«Basqa azamattyqty qabyldaý kezinde zardaptardy boldyrmaý úshin basqa elderge ketken jáne basqa azamattyqty qabyldaǵan Qazaqstannyń burynǵy azamattary 30 kún ishinde Qazaqstannyń konsýldyq mekemesine azamattyqty joǵaltýdy tirkeýge ótinish berýi kerek», dedi Shuǵyla Turlybek.
