Byltyr qazaqstandyq altyn eksportynyń qurylymynda birshama ózgeris oryn aldy. Zertteýshiler atap ótkendeı, 2017-2021 jyldary baǵaly metaldyń negizgi satyp alýshysy Qyrǵyzstan bolsa, ótken jyly zattaı túrdegi eń kóp jetkizilim kólemi bul elge jóneltilgenimen (52,5% nemese 2,2 tonna), aqshalaı mánde eksporttyq kiristiń 61,6%-yn (41,2 mln dollar) Reseı qamtamasyz etken. Bul rette Qyrǵyzstanǵa 38,3% nemese 25,7 mln dollar tıesili boldy.
Altyn satýdan túsken kiristiń ósimine álemdik naryqtaǵy qolaıly jaǵdaı áser etti. World Gold Council halyqaralyq uıymynyń málimetine sáıkes, 2022 jyl sońǵy onjyldyqta bul baǵaly metalǵa degen erekshe ınvestısııalyq suranys kezeńi boldy. Sáıkesinshe, suranystyń ósýi baǵanyń kóterilýine ákeldi. Byltyr satylymnyń eń qolaıly kezeńi naýryz-sáýir aılaryna kelip, onda bir ýnsııa altyn quny 1,9 myń dollardan joǵary boldy. Eń tómengi baǵalar qyrkúıek–qazan aılarynda tirkeldi, sol kezde ýnsııa stavkasy 1,65-1,63 myń dollarǵa deıin tómendep ketti.
Qańtar aıynyń sońynda bul baǵaly metall baǵasy 1,92 myń dollarǵa jetken.
