Sottalǵandardy túzeý mindet

– deıdi Oral qalalyq qylmystyq atqarý ınspeksııasynyń aǵa ınspektory Mereke Batyrqaıyrova Sottalǵannyń da quqy bar. Eger ol oryndalmaıtyn bolsa, onda zańymyzǵa, qoǵamymyzǵa úlken syn. Alaıda, qylmystyń da qylmysy, qylmyskerdiń de qylmyskeri bar. Múldem túzetýden nemese túzetilýden ketkenderdiń  betin beri qaratý ońaıǵa tıe qoımas. Al qoǵamnan alastatylmaı sottalǵandardan túńile berýdiń de esh reti joq. Búginde olarǵa áleýmettik-quqyqtyq kómek kórsetý isi aıryqsha mánge ıe. Biz osyndaı izgi baǵytty ustanyp kelemiz, dedi «Egemen Qazaqstannyń» oblystaǵy tilshi qosynyna arnaıy kelgen Oral qalalyq qylmystyq atqarý ınspeksııasynyń aǵa ınspektory Mereke Batyrqaıyrova. Jaqynda Aqtaý qalasynda osy máseleniń mán - jaıy men búge - shigesin túsindirý maqsatynda Batys óńirlik semınar ótkizildi. Onda Qylmystyq atqarý júıesi kodeksine engiziletin ózgerister men tolyqtyrýlarǵa qatysty tıisti usynystar engizý qajettiligi aıtylǵan. Atalǵan zań aldaǵy 2015 jyldyń 1 qańtarynda kúshine enbek. Onyń alty júzden astam babyna ózgerister men tolyqtyrýlar jasalmaq. Semınardyń basty maqsaty – probasııa qyzmetin tereńdetýden týyndaıtyn mindetterge arnalǵan. Biz óz tarapymyzdan bul óte oryndy másele ekenin, ári sottalǵandar da qoǵamymyzdyń bir múshesi  bolatynyn aıtyp, júıedegi jańa ózgeristerge tilekshi ekenimizdi jetkizdik. Bir sózben aıtqanda, probasııa qyzmeti degenimiz – sottalǵandarǵa keshendi áleýmettik - quqyqtyq kómek kórsetý. Mundaı ózgerister bizdiń qoǵamymyzdyń izgilik sıpatyn tereńdete túsedi. Sondaı-aq, mundaı qadamdar qylmystyq atqarý júıesinde qyzmet jasap júrgen bárimizdiń kókeıimizde júrgen oıdy da dóp basady. Biz ony júrgizýge tolyq múddelimiz. Probasııa qyzmetiniń tıimdi bolatynyna kúmán keltire almaımyz. Munyń basty sheshimi – sottalǵandardy tıisti qyzmetpen qamtý, – dedi odan ári M.Batyrqaıyrova. Onyń málimdeýinshe,  túsindirý semınarynda bul máselege baılanysty san alýan usynys, pikirler aıtylǵan. Qylmystyq atqarý júıesi qyzmetkerleriniń Aqtaýdaǵy basqosýynda Batys óńirdegi qurylymdar qyzmetine salystyrmaly túrde baǵa berilip, oǵan qatysýshylar ózderinde bar tájirıbelerdi áriptesterimen bólisipti. Al probasııa qyzmetine qatysty aıtylǵan usynys, pikirler Qylmystyq atqarý júıesi komıteti basshylyǵynyń nazaryna usynyldy. «Temir QUSAIYN, «Egemen Qazaqstan». ORAL.