Kýágerlerdiń aıtýynsha, 19 aqpanda Altaı aýdany Oktıabr aýylynyń mańynda «qyzǵylt bult» baıqalǵan. Dál osyndaı qubylys ótken jyldyń jeltoqsan aıynda da bolǵan.
«Ekolog mamandar tıisti zertteý jumystaryn júrgizgen. Tekseris nátıjesi boıynsha «qyzǵylt bulttyń» paıda bolýyna «Buqtyrma sement kompanııasy» JShS-niń saz karerindegi burǵylaý jáne jarý jumystary sebep bolǵany anyqtaldy. Bul jóninde taǵy másele týyndasa, departament qaıta tekserýge daıyn», dep túsindirdi ShQO boıynsha ekologııa departamenti basshysynyń orynbasary Raýan Turarov.
