Elimizde jeke menshik balabaqshalardyń quny 45 myń teńgeden bastalady. Odan joǵary aqy suraıtyn balabaqshalar da bar. Osyndaı jekemenshik balabaqshalar tárbıeshilerge joǵary aılyq tóleýge mindetti me? Oqý-aǵartý mınıstrligi olarǵa osyndaı talap qoıa ala ma?
«Jeke balabaqshalarǵa biz ony mindetteı almaımyz. Sebebi olar óz qarajatyn ózi bólip, rettep otyrady. Eger memleketten tapsyrys alatyn balabaqsha bolsa, tapsyrysqa qatysty jergilikti atqarýshy organdardyń usynystary bolýy múmkin. Biraq kóbine olar kelisimshartta ata-analardan alatyn ústemaqyǵa qandaı qyzmet túrlerin kórsetýdi usynady? Qosymsha qandaı da bir úıirmeleri bar ma, álde balalardyń densaýlyǵyna qatysty qosymsha baǵdarlamalarmen jumys isteı me? Iаǵnı, qandaı nárse usynady, sondaı qyzmet kórsetedi», dedi erte jastaǵy balalardy damytý ınstıtýtynyń dırektory Manara Adamova.
Sonymen qatar ınstıtýt dırektory jumys tártibi, qaýipsizdik jáne sanıtarlyq normalar barlyq balabaqshaǵa ortaq talap ekenin eske saldy.
Manara Adamovanyń aıtýynsha, búginde mektepke deıingi bilim berý uıymynda 5 jylǵa deıingi eńbek ótili jáne eń tómengi II sanaty bar pedagogtiń ortasha aılyǵy – 164-172 myń teńge. Al tájirıbesi joq, jumysqa jańa ornalasqan mamandardyń ortasha aılyǵy 94-120 myń teńgeniń aınalasynda bolady.
