Sport • 22 Aqpan, 2023

Tokıo Olımpıadasynyń júldegeri sporttan 8 jylǵa shettetildi

271 ret

kórsetildi

1 mın

oqý úshin

Gúlshahra SANSYZBAI

Tokıo Olımpıadasynyń júldegeri sporttan 8 jylǵa shettetildi

Bul týraly Ulttyq antıdopıng ortalyǵynyń resmı saıty habarlady.

Igor Son 8 jyl boıy sporttyq jarystarǵa qatysa almaıdy. Naqtyraq aıtsaq, 2030 jyldyń naýryz aıyna deıin qatysýǵa ruqsaty joq. Al shettetilý ýaqyty 2022 jyldyń naýryz aıynan bastalǵan. Sportshynyń dopıng synamasynan metasteron anyqtalǵan.

Qazaqstandyq sportshy 2020 jyly Tokıoda 61 kıloǵa deıingi salmaqta qola medal enshilegen edi. Al 2019 jyly álem chempıonatynda kúmis alǵan.

Igor mansabynda ekinshi ret dopıng daýyna iligip otyr. Buǵan deıin qazaqstandyq aýyr atlet 2015 jyly jasóspirimder arasyndaǵy álem chempıonatynan keıin birneshe aıǵa jarystardan shettetilgen. Ol kezde sportshy tyıym salynǵan preparat aǵzasyna bıoqosymshalar arqyly túskenin dáleldep shyqqan edi.

Halyqaralyq Olımpıada komıtetiniń (HOK) erejesine sáıkes, dopıng qoldanǵan sportshynyń Olımpıadadaǵy nátıjesi de joıylady. Igordi de sondaı jaǵdaı kútip tur.

Qazaqstannyń Ulttyq antıdopıng ortalyǵy Igor Sondy ǵana emes, birqatar sportshyny jarystardan shettetti. Olardyń qatarynda aýyr atletterden ózge taekvondo men jeńil atletıka sportshylary da bar.