Oblystyq TJD málimetinshe, mektepte órt bolyp jatqany týraly habarlama tańǵy saǵat 7:59-da kelip túsken. О́rt sóndirýshiler men qutqarýshylar oqıǵa ornyna tórt mınýtta jetken.
«Kelgen kezde mektep dırektory orynbasarynyń kabıneti ashyq jalynmen janyp jatty. О́rtengen aýmaqtyń aýdany 21 sharshy metr. О́rt saǵat 8:11-de aýyzdyqtalyp, 8:12-de tolyq sóndirildi», dedi oblystyq TJD basshysy Marǵulan Amanbaev.
Mektep dırektorynyń aıtýynsha, oqýshylar órt sóndirýshiler kelgenshe qaýipsiz jerge shyǵarylǵan. О́rtten zardap shekkender joq. Alaıda mektepte oqý prosesi ýaqytsha toqtatylǵan.
«О́rt tańerteń birinshi aýysymnyń sabaǵy bastalatyn ýaqyttan buryn, mektep dırektorynyń sharýashylyq isi jónindegi orynbasarynyń kabınetinen shyqty. Kompıýter qosýly kúıinde qalǵandyqtan bolýy múmkin. Ata-analarǵa habarlap, balalardy úıge qaıtardyq. Balanyń basy aýyryp jatsa, dárigerge aparý týraly keńes berdik», dedi mektep dırektory Álııa Qasymova.
TJD málimetinshe, mektepten 950 adam evakýasııalanǵan. Onyń ishinde 60 muǵalim bar. О́rt sóndirýge 53 órt sóndirýshi men 14 tehnıka jumyldyrylǵan. Aldyn-ala boljam boıynsha, órt elektr symynyń qysqa tuıyqtalýynan shyǵýy múmkin.
